Presidenti i FFK-së, z. Agim Ademi e ka uruar për titullin e më të mirit të botës që iu nda sonte trainerit Driton Kuka si dhe xhudistes Distria Krasniqi.
Ademi tha se sukseset si këto tuajat i motivojnë të rinjët e vendit tonë që në ëndërrat e tyre për sukses, mos të shohin asnjë pengesë, nëse e kanë vullnetin.
Ja postimi i plotë i z. Ademi: 
Sonte xhudo na dhuroi një tjetër emocion të veçantë. Kësaj radhe jo në tatami, por nga ceremonia e më të mirëve të vitit nga Federata Ndërkombëtare e Xhudos (IJF).
Kampionia olimpike, vajza jonë e artë, Distria Krasniqi u shpall xhudistja më e mirë në botë, derisa mjeshtri ynë Driton Kuka me plot meritë u zgjodh trajneri më i mirë në rruzullin tokësor.
E mbrëmjet si kjo pa dyshim na bëjnë krenarë të gjithë shqiptarëve. Toni, Majlinda, Distria, Nora, Loriana e Akili janë udhërrëfyes dhe motiv shtesë për të rinjtë kosovarë për të arritur në majat e sportit botëror.
Urime Driton Toni Kuka e Distria Krasniqi, suksese të vazhdueshme!
👏👏👏 🇽🇰 🏆🥇
