Është përshkallëzuar situata në protestën e opozitës në bulevardin Dëshmorët e Kombit në kryeqytet.
Protestuesit kanë hedhur molotov në derën e kryeministrisë gjatë fjalës së liderit demokrat Sali Berisha.
Pas kësaj janë shtuar forcat policore në protestë.
Forcat Shqiponja dhe FNSH i bashkohen forcave të rendit.
Protestuesit kanë tërhequr gardhin që policët kishin vendosur para turmës së protestuesve, para kryeministrisë
Shoqërohet nga policia një protestues që hodhi molotov drejt kryeministrisë.
Protesta ka nisur në orën 18:00 dhe sipas pjesëmarrësve nuk dihet se sa do të zgjasë.
