Votimet e fundit shënuan një kthesë historike për këtë komunë. Valon Prebeza i LVV-së arriti të përmbysë dominimin shumëvjeçar të LDK-së, duke i dhënë fund epokës ku Fushë Kosova konsiderohej “pronë” e partisë së Lumir Abdixhikut.
Për të siguruar stabilitetin e numrave në Kuvendin Komunal, Prebeza ka gjetur partnerin te PDK-ja.
Burime të Insajderit brenda komunës konfirmojnë se marrëveshja është zyrtarizuar dhe PDK-ja do të marrë drejtimin e tri dikastereve të rëndësishme në qeverisjen e Prebezës. 
Emrat e përzgjedhur janë figura të njohura në skenën politike lokale: Mirsad Qyqalla, ish-asamblisti i PDK-së në mandatin e kaluar, do të udhëheqë Drejtorinë e Bujqësisë, Pranvera Merovci, i është besuar drejtimi i Drejtorisë së Zhvillimit Ekonomik si dhe Artan Hajrullahu, do të jetë drejtori i ri i Drejtorisë së Gjeodezisë.
