Po vazhdon rinumërimi i votave në Qendrën e Rinumërimit, derisa po shpërfaqen keqpërdorime të votave të kandidatëve për të deputetë brenda partive të caktuara.
Pas rinumërimit të këtyre votave në Malishevë, del se kandidatët e PDK-së, kanë peshkuar tek votat e njëri-tjetrit.
Sipas të dhënave zyrtare nga faqja e KQZ-së, rezulton se Gazmend Maliqaj ka -878 vota, pas tij vjen Adnan Thaqi me -689 vota, ndërsa edhe Fetah Paçarizit i janë larguar 609 vota.
Kujtojmë se KQZ më 13.01.2026 mori vendim për rinumërimin e fletëvotimeve në 914 vendvotime.
Zgjedhjet e parakohshme parlamentare janë mbajtur më 28 dhjetor 2025.
