Kandidati i LDK-së për kryetar të Fushë-Kosovës, Besnik Osmani mëngjesin e së martës e ka kaluar në pazarin e këtij qyteti teksa ka premtuar rregullim të këtij tregu dhe vendosjen e tezgave të përshtatshme.
Ai ka thënë se pazari është vendi ku bashkohen prodhuesit vendorë me prodhime të freskëta e cilësore, por edhe shitësit e gjësendeve të vjetra që mbajnë gjallë traditën tonë.
“Këtu qytetarët bëjnë pazaret e tyre, ndajnë buzëqeshje dhe takohen me dashamirësi”, ka vlerësuar Osmani.
“Shumë shpejt, ky treg do të marrë pamje më të rregulluar, me tezga të përshtatshme dhe nyje sanitare moderne – duke u shndërruar në një hapësirë të rehatshme, dinjitoze dhe mikpritëse për të gjithë”, ka thënë ai.
