Komisioni Qendror i Zgjedhjeve po vazhdon me numërimin e votave për kandidatët për deputet.
Kur është bërë numërimi i mbi 13% të votave të kandidatëve për deputet, lideri i LDK-së, Lumir Abdixhiku ka marrë 9 mijë e 849 vota, i pasuar nga kandidatja Hykmete Bajrami me 6 mijë e 190 vota.
I treti në listën e LDK-së për nga numri i votave deri me tani renditet, djali i ish-presidentit Ibrahim Rugova, Uka, i cili ka marrë 5 mijë e 418 vota.
Rreth 600 vota me pak në vendin e katër është Avdullah Hoti, i cili ka 4 mijë e 872 vota, ndërsa top 5-shtën me të votuar në LDK e përmbyll Doarsa Kica Xhelili me 4 mijë e 846 vota.
