Anëtari i kryesisë së LDK-së, Sali Asllanaj ka vlerësuar se kriza politike do të tejkalohet me sukses vetëm duke respektuar rregullat demokratike dhe ligjet. Ai i ka bërë apel opozitës të kthehet në Kuvendin e Kosovës sepse, sipas tij, aty po mungon debati i mirëfillt në mes të pozitës dhe opozitës.
Asllanaj në këtë intervistë për “Epokën e re” ka thënë se opozita me veprimet e saja të dhunshme i ka tejkaluar kufijtë dhe ka krijuar model të sjellës së papërgjegjshme ndaj shtetit.
Sipas tij, pamjet e gazit lotsjellës në Kuvend dhe sulmet ndaj institucioneve shtetërore me koktej molotovi nuk janë imazhe pozitive për vendin tonë.
Asllanaj nuk e ka përjashtuar mundësinë që në të ardhmen LDK-ja të bëjë koalicion me Lëvizjen Vetëvendosje.
