“Ministria e Jashtme e Shqipërisë ka reaguar pas arrestimeve të ditës së sotme në Preshevë. Në një njoftim, Ministria e Jashtme thotë se arrestimet janë për përfitime politike, pasi bëhen në prag të fushatës..” ka deklaruar shefi i diplomacisë shiptare Edmond Haxhinasto, njofton agjencisë informative kombëtare “Presheva Jonë”
Tiranë, 4 maj 
“MPJ ndjek me vëmendje zhvillimet në Luginën e Preshevës dhe shpreh shqetësim për bastisjet dhe arrestimet në fshatrat shqiptare në afërsi të Bujanovcit, ngjarje të cilat ndodhin në prag të heshtjes zgjedhore. Rikthimi i retorikave me akuza për të ashtuquajturat krime lufte në Kosovë, gjatë procesit zgjedhor dhe me synim për përfitime politike, dëmton standardet demokratike dhe bashkëjetesën ndëretnike në vend…” thuhet në reagimin e shefit të diplomacisë shqiptare z.Hxhinasto lidhur me aksionet e fundit të xhandarmerisë serbe në vendbanimet shiptare në Luginë.
MPJ gjykon se akte të tilla, nuk i shërbejnë mirëkuptimit dhe bashkëjetesës paqësore ndërmjet komuniteteve etnike në Serbi dhe as nuk janë në funksion të forcimit të marrëdhënieve të fqinjësisë së mirë, bashkëpunimit e integrimit rajonal dhe frymës së proceseve integruese në BE thuhet në njoftimin e MPJ.
