Së shpejti del nga shtypi libri “Dita 24”, i gazetarit dhe publicistit Fehmi Ajvazi. Libri është një kronikë autentike rrëfimi dhe ditari, si dhe një formë personale e meditimit krijues që lidhet me realitetin e Kosovës në fundshekullin e XX-të.
Kushtrim MALIQI 
Libri libri “Dita 24” i autorit Ajvazi në të vërtetë përshkruan gjendje të para 24 marsit 1999, përshkruan ditën e fillimit të intervenimit të NATO-s, përshkruan gjendje të pasfillimit të bombardimeve, rrethanat e dëbimit, kalimin në Maqedoni etj.
Përmbajtje nga libri:
Rrëfimi që s’përfundon, Udhëtimi i fundit, Expresso në ikje…, Dita 24, Goditjet e para, Fletëza të përgjakura ditari, Mesazh nga errësira, Letër të gjallëve dhe të vdekurve, Motive nga ferri, Një telefonatë nga larg, Shënime nga errësira, Mungesa e qirinjëve, Mungesa e ushqimeve, Dita e zezë, Mynxyra e largimit, Kalimi në Maqedoni, Pranë udhës Via Egnatia, Nata e parë pa Kosovën, Makthi i Maqedonisë, Dialog me Etnikun, Kapitullimi i Beogradit, Përshkrimi i një dite që s’përshkruhet, Takimi lamtumirës…
Libri ka gjithsej: 228 faqe. Botues: “Ura”- Prishtinë.
