Kryetari i Lëvizjes Vetëvendosje, Albin Kurti, ka komentuar rezultatin e zgjedhjeve në kryeqytet, ku kandidati i VV-së, Hajrulla Çeku, shkoi në balotazh me Përparim Ramën e Lidhjes Demokratike të Kosovës.
Kurti ka dhënë një arsye fillestare që, sipas tij, mund ta ketë “penalizuar” Çekun në garën për Prishtinën.
“Ajo që mund të ketë ndikuar është fakti që me partnerët tanë, partitë Guxo dhe Alternativa për kryeqytetin, kemi garuar ndaras, dhe ka mundësi që ky garim ndaras të ketë pasur një çmim të caktuar. Kjo është një përshtypje fillestare e imja, e cila nuk duhet të merret si konkluzion i analizave që do të bëhen sot e nesër nga Lëvizja Vetëvendosje.”, tha Kurti para gazetarëve. 
Vetëvendosje ka shkuar në të paktën 12 komuna në balotazh, ndërkohë që ka fituar në 3 komuna që në raundin e parë.
