I pari i PDK-së, z. Memli Krasniqi, me anë të një postimi në facebook ka reaguar në lidhje me publikimin e lajmit për tmerrin në lidhje me foshnjen në Pejë, që dyshohet se është futur në lavatriqe.
Krasniqi ka bërë thirrje që sa më shpejt të caktohet ministri i shëndetësisë, pasi që ky sektorë është kriminalizuar e po vazhdon njejt përditë.
Ja postimi i z. Krasniqi:
Edhe çka tjetër duhet me ndodhë në Kosovë, që kjo Qeveri me marrë seriozisht shëndetësinë? Ku është ministri? Ku është drejtori i SHSKUK-së? Pse është tentuar që të fshihet ky rast? Vetëm tri javë më parë një grua u vra në oborrin e një institucioni shëndetësor publik. A i ka mbetur fije morali ndokujt në këtë Qeveri, apo të gjithë shikojnë vetëm postet dhe privilegjet personale? Caktojeni atë ministër sa më shpejtë, Kryeministër e dilni zot pacientëve. Krimi ta ka kapluar sektorin. I shokuar! 
