Prokuroria Themelore në Prizren ka realizuar një operacion të madh në disa lokacione lidhur me keqpërdorim masiv financiar dhe pagesa të pajustifikuara në vlerë totale prej mbi një milion euro (BKS).
Gazeta kishte raportuar më herët ekskluzivisht për këtë aferë në periudhën 2022-2023, e cila koincidon me drejtimin e BKS-së nga ish-drejtori ekzekutiv, Sami Mazreku, që më vonë u përzu nga BQK-ja për gjysmë dekade nga industria e sigurimeve.
Gazeta kishte raportuar më herët për një auditim të brendshëm në BKS listën e plotë të emrave të përfituesve të një milion eurove, të cilin mund ta gjeni më poshtë:
Ariana Domniku Collaku, Yll Collaku, Marigona Collaku, Naxhije Collaku, Naser Biri, Jetesa Biri, Ron Biri Bardh Hoti, Mirjeta Kosumi, Agon Bardhi, Hasip Meleqi, Agim Krasniqi, Trendeline Azemi, Lirim Ahmetaj, Kushtrim Demolli, Mentor Demolli, Egzona Gashi, Lumnije Osmani, Rilind Hasani, Paris Starabanja, Florent Sylejmani, Kimete Kuliqi, Fehmi Bajrami, Brendona Mujaj, Faton Hajdari, Hana Rastavica, Valbone Hoxha, Nora Mucaj, Mergim Zabeli, Leonora Berishaj, Shefqet Mjeku, Leonard Rexhaj, Bajram Osmani, , Diellza Kabashi, Enis Osmani, Besiana Murati, Arbnora Peci, Valon Duraj, Suad Haliti, Adem Nasufi, Ariana Mehmeti, Hana Ullak, Muhamet Rexhepi, dhe subjekti juridik Reforma SHPK.
Gazeta ka mësuar nga burime përbrenda autoriteteve të sigurisë se disa nga ta janë arrestuar, si shkak i këtyre keqpërdorimeve.
Auditimi zbuloi raste të kompensimit të dyfishtë të dëmeve. Në disa raste, BKS ka paguar palën e dëmtuar dhe më pas ka paguar përsëri edhe kompaninë e huaj të sigurimit për të njëjtin aksident, duke rënduar buxhetin e saj.
Auditimi kishte identifikuar 14 raste ku pagesat janë bërë pa pasur raportin origjinal të policisë.
U gjetën po ashtu raste ku BKS-ja, pas një vendimi fillestar për fajësi 50%, e ka ndryshuar atë në 100% pa asnjë ekspertizë shtesë, duke rritur në mënyrë artificiale dëmin që duhej paguar.
