Venezuela renditet në krye të listës botërore për rezervat e dëshmuara të naftës, duke zotëruar sasinë më të madhe të naftës bruto në botë.
Megjithatë, pavarësisht këtij potenciali të jashtëzakonshëm energjetik, vendi prodhoi më pak se një milion fuçi naftë në ditë gjatë vitit 2024, një shifër dukshëm më e ulët krahasuar me Shtetet e Bashkuara, që prodhuan rreth 13 milionë fuçi në ditë, apo Rusinë me rreth 9 milionë fuçi.
Rënia drastike e prodhimit të naftës në Venezuelë lidhet me krizën e thellë politike, ekonomike dhe sanksionet ndërkombëtare që kanë goditur vendin prej vitesh.
Situata u tensionua edhe më tej pas arrestimit të presidentit Nicolas Maduro nga forcat amerikane, sipas raportimeve ndërkombëtare, dhe paraqitjes së tij para një gjykate federale në Nju Jork për akuza të rënda që përfshijnë trafik droge, narkoterrorizëm dhe armë.
