Të hënën, dy pjesëtarë të KFOR-it janë kërcënuar me vrasje në fshatin Lubiçevë të Prizrenit.
Në raportin 24 orësh të policisë thuhet se janë arrestuar dy të dyshuarit për kanosjen e pjesëtarëve të KFOR-it, të cilët janë dërguar në mbajtje.
“Gjatë kontrollit në shtëpinë e njërit nga të dyshuarit është gjetur dhe sekuestruar pushkë gjuetie”, thuhet në raport. 
Rastin e ka konfirmuar të hënën edhe zëdhënësi i policisë për rajonin e Prizrenit, Shaqir Bytyqi.
Ai tha se njëri nga të dyshuarit është arrestuar derisa tjetri është i identifikuar dhe është në kërkim.
“Me date 26.02.2024 rreth orës 10:10 policia ka marre informatën se ne fshatin Lubiqev dy persona të dyshuar i kane kanosur pjesëtaret e KFOR-it Italian të cilët ishin për vizite ne atë fshat. Patrulla policore ka dale në vendin e ngjarjes dhe ka kontaktuar me karabinierët të cilët kanë deklaruar se për deri sa ishin duke qëndruar në një lokal aty në fshat, të dyshuarit afrohen fillimisht duke i ofenduar e me pas njeri nga te dyshuarit i ka kanosur me vrasje duke ju thënë “se do shkoj në shtëpi të marr Kallashnikovin dhe do ju vras të gjithëve”, theksoi Bytyqi.
