Një person është arrestuar mbrëmjen e së shtunës në Obiliq, pasi dyshohet se ka kanosur dy zyrtarë policorë gjatë një ndaljeje rutine në trafik.
Sipas njoftimit të Policisë, i dyshuari, mashkull kosovar, gjatë ndaljes dhe kontrollit në trafik ka shfaqur sjellje arrogante dhe ka kërcënuar zyrtarët policorë që po kryenin detyrën zyrtare.
Pas arrestimit, i dyshuari është intervistuar dhe me vendim të prokurorit është dërguar në mbajtje, ndërsa rasti po trajtohet nga organet kompetente.
