Një studim vjetor mbi sundimin e ligjit i publikuar sot, e ka renditur Iranin si të fundit në botë në lidhje me mbrojtjen e të drejtave fundamentale, duke thënë se ligjet iraniane shpesh përdoren për të abuzuar me qytetarët.
Indeksi i Projektit për Sundimin e Ligjit në Drejtësinë Botërore, themeluar nga Fondacioni i Bill dhe Melinda Gejtsit, tha se gjykatat e Iranit janë subjekt i korrupsionit dhe ndërhyrjeve politike.
Raporti vëren mbrojtje të dobët të të drejtave fundamentale në Kinë, “mangësi serioze” në Rusi dhe probleme me “hendekun në mes të të pasurve dhe të varfërve në qasjen në drejtësi” në SHBA. 
Në studim thuhet se Rusia ka treguar “mangësi serioze në kontrollin dhe bilancet në mes të degëve të ndryshme të qeverisë, duke çuar në një ambient instituticonal të karakterizuar nga korrupsioni, pandëshkueshmëria dhe ndërhyrjet politike”.
