Facebook vlen 102.8 miliard dollarë.
Është kjo vlera e arritur nga ankandi i orëve të fundit, raporton agjencia amerikane Bloomberg.
Bloomberg informon se nga ankandi i orëve të fundit përmes Share Post është arritur shitja e 150 mijë titujve për një vlerë prej 44.10 dollarë secili. 
Sipas agjencisë nga shitja e titujve është arritur një rritje e vlerës në krahasim me ankandin e mesit të muajit shkurt, që e vlerësonte shitjen e shoqërisë më popullore, në shumën e 94.4 miliard dollarëve.
Sipas burimesh të ndryshme të pakonfirmuara, Facebook është gati të zbarkojë në bursë në muajin maj të këtij viti, dhe do të pezullojë duke nisur nga java që vjen, shkëmbimin e titujve të tij në tregjet dytësore të botës.
