Kandidati për deputet nga AAK-ja, Daut Haradinaj, ka kritikuar politikat aktuale ndaj rinisë, duke thënë se Kosova ka nevojë të mbajë të rinjtë e saj këtu dhe jo t’i zëvendësojë ata me fuqi punëtore nga jashtë.
Ai theksoi se, pavarësisht premtimeve të shumta ndër vite, rinia po detyrohet të migrojë për një jetë më të mirë, ndërsa institucionet po mburren me sjelljen e punëtorëve nga vendet e treta. Sipas tij, qeveria e ardhshme duhet të fokusohet në krijimin e kushteve për kthimin dhe qëndrimin e rinisë shqiptare në Kosovë.
