Kandidati i Lidhjes Demokratike të Kosovës për kryetar të Komunës së Fushë Kosovës, Besnik Osmani, ka vazhduar takimet e tij me qytetarë, duke zhvilluar sot një vizitë te familja Kutllovci.
Osmani tha se gjatë këtij takimi u bisedua për projektet dhe mundësitë që e presin komunën në të ardhmen.
“Sot vizitova familjen Kutllovci në Fushë Kosovë, ku zhvilluam një bisedë rreth projekteve dhe mundësive që na presin në të ardhmen. Kënaqësi të dëgjoja mendimet dhe idetë e tyre për zhvillimin e qytetit tonë. Jam mirënjohës për mikpritjen e sinqertë dhe për bisedat që ndamë bashkë. Së bashku do ta bëjmë Fushë Kosovën një vend edhe më të mirë për të gjithë banorët e saj. Fushë Kosova PËRTEJ!”, shkroi Osmani.
