Një tjetër takim frytdhënës ka zhvilluar kandidati për kryetar të Komunës së Gjilanit, Arbër Ismajli, i cili u mirëprit nga pronari i Auto Servisit “Mbreti”, z. Driton Selmani, dhe ekipi i tij profesional.
Gjatë këtij viziti, Ismajli u shpreh i impresionuar nga puna, përkushtimi dhe korrektësia e këtij biznesi lokal, i cili tash e sa vite shërben qytetarët me profesionalizëm. 
“Auto Servis ‘Mbreti’ është dëshmi e aftësisë dhe mjeshtërisë gjilanase, aty ku profesionalizmi dhe pasioni për punën shihen në çdo detaj. Biznese të tilla janë pasuria jonë e vërtetë dhe do të jenë gjithmonë pjesë e vizionit tonë për një Gjilan më të fortë ekonomikisht, me më shumë vende pune dhe hapësirë për inovacion”, tha Ismajli.
Ai falënderoi pronarin Driton Selmani dhe ekipën e tij për mikpritjen, duke theksuar se komuna do të jetë gjithmonë pranë profesionistëve dhe bizneseve vendore.
“Qyteti forcohet kur nderohet puna e vlerësohet kontributi. Suksesi i tyre është sukses i të gjithëve. Bashkë, ecim për fitore”, shtoi ai.
Auto Servis “Mbreti” në Gjilan është tashmë një emër i njohur në fushën e shërbimeve automobilistike, duke fituar respektin e qytetarëve për cilësi dhe korrektësi.
