Kandidati i Lidhjes Demokratike të Kosovës (LDK) për kryetar të Komunës së Gjilanit, Arber Ismajli, ka zhvilluar një takim të veçantë me drejtuesit, stafin dhe futbollistët e SC Gjilanit, klubit simbol të qytetit. Në këtë vizitë e ka shoqëruar edhe kandidatja për Asamblenë Komunale, Gresa Avdiu.
Ismajli ka vlerësuar lart rolin historik dhe emocional që ka SC Gjilani për qytetin dhe banorët e tij:
“Ky klub sportiv është histori e pastërt, pasion, sakrificë dhe krenari gjilanase. Është fryma e qytetit tonë që pulson në çdo ndeshje, në çdo gol, në çdo moment që i bashkon mijëra zemra rreth një qëllimi të vetëm – dashnisë për Gjilanin!”
Ai ka falënderuar drejtuesit e klubit për pritjen dhe përkushtimin e tyre të vazhdueshëm:
“Faleminderit nga zemra drejtorit gjeneral Syart Rrahmanit, menaxherit të klubit Drilon Sylejmanit, stafit dhe futbollistëve për punën dhe disiplinën që e tregojnë çdo ditë. Ju jeni modeli më i mirë i dashnisë për qytetin.”
Në mënyrë të veçantë, kandidati i LDK-së ka përmendur edhe tifozët legjendarë “Skifterat”, duke i quajtur ata zemra e vërtetë e klubit:
“Skifterat janë zemra që rreh më fort në çdo ndeshje, zëri që nuk ndalet kurrë dhe forca që e ngrit SC Gjilanin në majat e krenarisë. Pa ju, kjo histori s’do të kishte të njëjtin kuptim.”
Në fund, Arber Ismajli ka theksuar se sporti dhe tifozët do të kenë gjithmonë mbështetje në vizionin e tij për Gjilanin e ri:
“Sepse aty ku ka pasion, bashkim dhe dashni për qytetin, aty lind suksesi i vërtetë i projektit të Gjilanit të ri.”
🏟️ #ArberIsmajli | #LDK113 | #BashkëPërFitore | #GjilaniPërtej | #SCGjilani | #Skifterat
