Kandidati për kryetar të Gjilanit, Arbër Ismajli zotohet se do të jetë pranë çdo biznesi, për t’i mbështetur e për t’i fuqizuar, sidomos, gratë ndërmarrëse, sepse beson se zhvillimi i qytetit fillon pikërisht nga fuqizimi i ekonomisë dhe i njerëzve.
Ai u mirëprit në biznesin “Minna Fashion” nga Vjollca, e cila ka krijuar vende pune për mbi 100 gra të Gjilanit.
Shkrimi i plotë: 
Çfarë kënaqësie me e pa se si gratë ndërmarrëse janë përfaqësueset dhe ambasadoret më të mira të Gjilanit deri në Amerikën tejoqeanike.
Bashkë me kandidatin tonë për Asamble Komunale, Isa Musliji, vizituam një prej bizneseve të fuqishme të qytetit tonë “MINNA Fashion”.
Pas këtij suksesi që ka bërë jehonë jo vetëm në Kosovë por edhe jashtë vendit, qëndron zonja Vjollca, një grua e jashtëzakonshme që prej shumë vitesh udhëheq me profesionalizëm dhe përkushtim këtë ndërmarrje, duke krijuar vende pune për mbi 100 gra të Gjilanit.
Fustanet e saj marrin pjesë në tërë Evropën e deri në Amerikën e largët.
Ky është vullneti i jashtëzakonshëm se si puna, vizioni dhe guximi shkojnë përtej suksesit.
Ne zotohemi që si qeveri e ardhshme lokale, do të jemi pranë çdo biznesi, për t’i mbështetur e për t’i fuqizuar, sidomos, gratë ndërmarrëse, sepse besojmë se zhvillimi i qytetit tonë fillon pikërisht nga fuqizimi i ekonomisë dhe i njerëzve tanë.
Faleminderit zonja Vjollca për mikpritjen dhe punën kolosale që po e bëni.
Do të jem zëri juaj përfaqësues për çdo ditë, e për çdo çast!
