Kandidati për kryetar të Komunës së Gjilanit, Arbër Ismajli, ka njoftuar përmes një postimi në rrjetet sociale se tubimi qëndror i fushatës së tij do të mbahet më 8 tetor në bulevardin “Ibrahim Rugova”.
“Të nderuar qytetarë, ju njoftoj se tubimi qëndror do të mbahet më 8 tetor në Bulevardin ‘Ibrahim Rugova’. Ne ju ftojmë të na bashkoheni në këtë tubim madhështor, të tregojmë fuqinë e qytetarëve të vendosur dhe të bashkuar për një Gjilan të ri”, ka shkruar Ismajli.
Ai ka theksuar rëndësinë e bashkimit qytetar për të sjellë ndryshimin e shumëpritur në komunë, duke shtuar se vetëm së bashku mund të arrihet fitorja. 
“Bashkë mund ta sjellim ndryshimin që e meritojmë. 
Bashkë për fitore!”, përfundon postimi i tij.
