Kandidati i LDK-së për kryetar të Komunës së Gjilanit, Arbër Ismajli, ka vizituar fshatin Llashticë, ku u prit në familjen e Artan Canit, kandidat për Asamblenë Komunale me numrin 16.
Ismajli falënderoi për pritjen e ngrohtë dhe atmosferën e sinqertë, duke theksuar se Llashtica heroike gjithmonë ka qenë krah LDK-së.
“Artani është një djalë i përkushtuar, profesionist e humanist i veçantë, i gatshëm të japë kontribut të madh për Gjilanin tonë, dhe jam krenar që është pjesë e ekipit tonë fitues,” tha Ismajli.
Ai shprehu mirënjohje të veçantë për familjen Cani dhe gjithë banorët e Llashticës për besimin dhe përkrahjen, duke nënvizuar se ky besim është forca që e shtyn përpara ekipin e tij.
“Ky besim na jep forcë dhe na siguron se jemi në rrugën e duhur drejt rishkrimit të historisë në Gjilan. Bashkë, me vullnetin e secilit prej jush, do ta jetësojmë ndryshimin. Fitorja është e juaja dhe e familjeve tuaja,” theksoi kandidati i LDK-së për Gjilan.
#BashkëPërFitore #GjilaniPërtej #ArberIsmajli #113
