Një aksident trafiku me pasojë vdekje ka ndodhur sot rreth orës 13:25 në dalje të qytetit të Gjakovës, në rrugën Gjakovë–Prizren, konkretisht në rrugën “Dah Polloshka”.
Njësitet e zjarrfikësve dhe ekipet emergjente kanë intervenuar në vendin e ngjarjes, ku është tërhequr një person pa shenja jete. Viktima ishte drejtues i automjetit, mashkull rreth 81 vjeç.
Policia e Kosovës ka njoftuar se Njësia Rajonale e Trafikut Rrugor është duke zhvilluar hetime, ndërsa në koordinim me prokurorin e shtetit është iniciuar rasti “Hetim i vdekjes” dhe trupi i pajetë është dërguar për ekzaminim mjeko-ligjor.
