Vukovari i Kroacisë, që ndodhet në afërsi të kufirit me Serbinë, sot ka shënuar përvjetorin e 28’të të masakrës, ku ushtria e Jugosllavisë bashkë me forcat serbe, vranë mbi 3000 kroatë.
Ushtarët e Jugosllavisë bashkë me forcat paramilitare serbe e kanë mbajtur qytetin e Vukovarit nën rrethim për 87 ditë. Në këto ditë, në qytet ranë më shumë se 11000 bomba dhe qyteti kaloi në duart e forcave serbe më 18 nëntor të vitit 1991.
Mijëra qytetarë e zyrtarë të lartë të shtetit kroat morrën pjesë në ceremoninë përkujtimore që u mbajtë sot. 
Në mesin e tyre ndodheshin edhe Presidentja Kolinda Grabar Kitarovic, Kryetari i Parlamentit, Gordan Jandrokovic dhe Kryeministri Andrej Plenkovic.
Gjatë ceremonisë, u mbajt një marsh përkujtimor nga spitali deri te varrezat përkujtimore, ku u varrosën viktimat e masakrës. Të afërmit e viktimave dhe qytetarët vendosën lule te varrezat.
Pushtimi serb, i cili filloi pas rrethimit, zgjati deri më 15 janar të vitit 1998. Trupat e rreth 500 personave të vrarë në Vukovar nuk janë gjetur akoma
