Vritet këngëtarja bukuroshe, që sfidoi talibanët (Foto+VIDEO)

Një këngëtare bukuroshe e muzikës pop- folk, e cila pati sfiduar një dekret të talibanëve kundër muzikës dhe kërcimit, është qëlluar për vdekje ndërkohë që dilte nga një sallon bukurie.

Ylli i muzikës pakistaneze, Ghazala Javed, 24 vjeç, u qëllua kur një motoçiklist hapi zjarr mbi makinën ku gjendej ajo me babain e saj, i cili po ashtu gjeti vdekjen.

Ajo u qëllua me gjashtë plumba, raporton CNN.

Policia thotë se i dyshuari kryesor është ish i shoqi i këngëtares, të cilit ajo i pati kërkuar divorcin pasi pati zbuluar se ai kishte të paktën edhe një grua tjetër, shkruan Tema.

Kërkesa e saj është e pazakontë për një shoqëri thellësisht konservatore, ku shumë njerëz e quajnë një fyerje që gruaja të kërkojë divorc.

 

Për shkak se talibanët në Pakistan e kishin bërë të vështirë të regjistroheshin këngët dhe të performohej muzikë, ajo këndonte në Dubai ku edhe përgatiste këngët.

Ajo ishte mjaft popullore mes të rinjve dhe progresistëve.


Nuk ka komente

Bëhu komentuesi i parë!

Komentoni