Themelohet Oda Ekonomike Gjermano-Kosovare

Oda Ekonomike Gjermano-Kosovare u themelua dje në kryeqendrën e Repruiblikës së Kosovës – në Prishtinë nga 39 ndërmarrje, nëw të cilin evenment ekonomik prezentuan shumë ekspertë financiar vendor dhe ndërkombëtar, kyresisht gjermanë,njofton agjencia informative “Presheva Jonë”

 

Iniciativa për themelimin e kësaj Ode, doli nga ndërmarrjet kosovare dhe u përkrah nga Ambasada

Gjermane në Prishtinë dhe Oda Ekonomike e Kosovës.

Oda Ekonomike Gjermano-Kosovare është organizatë e pavarur, jopolitike dhe jofitimprurëse në pajtim me ligjet e Kosovës. Oda, në çështjet ekonomike, do të jetë një partner i rëndësishëm kontaktues i Unionit të Odave Gjermane Tregtare dhe Industriale (DIHK) në Berlin dhe i strukturave të tij në Ballkanin Perëndimor.

President i parë i Odës Ekonomike Gjermano-Kosovare u zgjodh zoti Remzi Ejupi nga firma Eurokoha.

 

Anëtarët tjerë të Bordit janë:

– Josef Obermaier (SAG), Zëvendëspresident

– Arta Rexhepi-Krypa (Procredit Bank), Përgjegjëse e Thesarit

– Fadil Berjani (Dilloni Benz), Anëtar i Bordit

– Valon Berisha (Siemens), Anëtar i Bordit

– Bekim Xhafa (CEO), Anëtar i Bordit

– Sylejman Berisha (Knauf Insulation), Anëtar i Bordit

 

Më 18 prill 2012 në Hotel Swiss Diamond në Prishtinë, para mysafirëve të ftuar dhe përfaqësuesve të

medieve u bë publik themelimi i Odës.

Në këtë organizim morën pjesë Ambasadori Gjerman, zoti Dr.Ernst Reichel dhe Ministri për Zhvillim Ekonomik i Republikës së Kosovës, zoti Besim Beqaj.

 

Ambasadori Reichel përshëndeti themelimin: “Këto janë lajme shumë të mira. Oda Ekonomike

Gjermano-Kosovare do të kontribuojë në masë të madhe që potencialin për tregtinë dypalëshe dhe për

investimet t’i shfrytëzojmë edhe më mirë.”

Foto nga inaugurimi zyrtare i Odes Ekonokime Gjermano Kosovare


Nuk ka komente

Bëhu komentuesi i parë!

Komentoni