Spanjë-Francë në shifra

Spanja, kampionia në fuqi e Botës dhe Europës, do të përballet sonte në Donetsk të Ukrainës me Francën, për të siguruar një vend në gjysmëfinale përballë Portugalisë.

Cilësia e dy skuadra favorizon Spanjën, por historia tregon që Franca e ka eliminuar gjithmonë përfaqësuesen iberike në finalet e një kompeticioni madhor, sikurse ndodhi në Euro 1984 dhe në botërorin e vitit 2006. Por statistikat janë për t’u thyer, ndaj spanjollet mbetet gjithsesi favoritë për të vijuar më tej.

Del Boske ndryshe nga ndeshja e parë në grup me Italinë, ka vendosur të hedhë në fushë që nga minuta e parë Fernando Torresin, pavarësisht se performanca e sulmuesit të Celsit ndaj Kroacisë nuk ishte ndër më të mirat. Në rreshtimin 4-2-3-1, Sesk Fabregas mbetet jashtë 11-shes, ndërsa Iniesta dhe David Silva do të mundohen të depërtojnë nga krahët, me Cavin trurin e skuadrës. Buskets – Ksabi Alonso rreshtohen para mbrojtjes, e cila do të jetë ajo e 3 ndeshjeve të para, me Arbeloa, Pike, Serxhi Ramos dhe Zhordi Alba.

Lorent Blank duhet të bëjë pa qendërmbrojtësin Mekses, I skualifikuar, në vend të të cilit do të luajë mbrojtësi I Arsenalit, Koshielni, ndërsa dyshimi i vetë mbetet aktivizimi I Nasri apo Menez, për t’i lënë vend Diarras në mesfushë, vendim që lidhet me cilësinë e mesfushorëve spanjollë. Pikë referimi për francezët mbetet pa dyshim Karim Benzema, i cili do të mbështet nga Riberi dhe njëri mes Menez dhe Nasri.

Arena e stadiumit të Donjeckut ofron një përballje spektakolare mes dy skuadrave që kanë në përbërje futbollistë shumë, por që fatkeqësht disa prej tyre duhet të shkojnë më herët në shtëpi.


Nuk ka komente

Bëhu komentuesi i parë!

Komentoni