SHEFQET KRASNIQI: Shqiptarët janë popull i nemun, Allahu i pruft n'men !

Prof.Dr. Shefqet KRASNIQI

Kur isha i vogël dëgjoja të vjetrit duke thënë se: ‘shqiptarët janë popull i nemun!’. Atëbotë nuk mund ta kuptoja si duhet atë fjali, por tani më duket se po e kuptoj. E a ka më i nemun sesa dy veta mos m’i gjet bashkë, Mos me pas qenë të nemun dhe sikur të ishim bashk, afër njëri-tjetrit, të duhemi me njëri-tjetrin…as sllavët nuk do të kishin mundur të luajnë me ne, siq po luajnë sot, si maca me miun…!, ka deklaruar dr.Krasniqi në komentin e tij për agjencinë informative “Presheva Jonë”

 

 

IDENTITETI INEKZISTENT ‘VEHABIZMI’ DHE POLITIKAT HEGJEMONISTE

 

Java që kaloi ishte mjaft e rëndë dhe e ithtë  për shqiptarët e Ballkanit, zaten ne si popull jemi mësuar me javë e me muaj të jemi të ithtë, bile edhe me shekuj. Kur isha i vogël dëgjoja të vjetrit duke thënë se: ‘shqiptarët janë popull i nemun!’. Atëbotë nuk mund ta kuptoja si duhet atë fjali, por tani më duket se po e kuptoj. E a ka më i nemun sesa dy veta mos m’i gjet bashkë, a ka më i nemun sesa një komb i vogël siç jemi ne të jetë i ndarë e i shkapërderdhur në gjashtë shtete! A ka më i nemun sesa një popull t’i ketë mbi njëqind parti! A ka më i nemun sesa kush të do, me luajt me ne dhe atë  si të ka qejf. Asnjë qytetar shqiptar nuk është i sigurt nga fqinjët e tij, cilëndo pikë kufitare ta kalojë mund të keqtrajtohet, të maltretohet, e qe besa edhe të burgoset pa pikë faji. E faji i vetëm i tij është se është shqiptar. Bile edhe brenda shtetit të tij nuk është i sigurt.

 

 

Arrestimi i njëzet shqiptarëve “vehabistë” në Maqedoni për kinse vrasjen e 5 maqedonasve, pastaj keqtrajtimi i tyre dhe familjeve të tyre ishte një akt shumë i rënd dhe fyes për gjithë kombin tonë. Aq më shumë kur të gjithë ata persona u akuzuan kinse për “vehabistë” dhe se ata janë të rrezikshëm jo vetëm për maqedonasit, por edhe për vet shqiptarët. A realiteti ishte se tek ata të arrestuar asnjë element vehabizmi nuk u gjind, bile kishte nga ta – aq sa mësuam- që as namaz nuk falin.  Në anën tjetër një apo dy ditë më vonë xhandarmëria serbe arrestoi disa të rinj në Luginën e Preshevës pjesëtarë të UÇMB-së kinse për terrorizëm. Vrasja e një shqiptari në Mitrovicë në banesën e tij, përderisa njeriu ishte duke fjetur pa ditur asgjë, burgosjet e kalimtarëve kosovarë në kufi të Serbisë dhe keqtrajtimi i tyre. Të gjitha këto dhe shumë të tjera ishin një grusht i rëndë që iu dha kombit tonë brenda një kohe të shkurtër, e që dëshmojnë praktikisht konstatimin tonë të sipërpërmendur.

 

 

Megjithatë, rasti i ndodhur në Maqedoni ishte paksa më i rëndë,  për shkak të tentativave të qarqeve sllavo-maqedonase për t’i dhënë ngjyrim fetar. Sigurisht se ju kujtohet deklarata e dhënë nga ministrja Punëve të Brendshme, znj. Jankullovska, e cila, menjëherë pas lajmit për vrasjen e tyre, pati thënë se nuk dyshohet për krim me motive etnike, e që tash, pas arrestimeve të bëra me dyshime për kinse radikalizëm islamik, çështjes i janë vënë shumë pikëpyetje. Athua vallë çfarë synojnë këta me këtë identitet të rremë dhe të shpifur? A mos e kanë bërë si mjet për të ndezur probleme etnike sidomos kur dihet se shumica absolute e shqiptarëve në Maqedoni janë myslimanë?

 

 

Parimisht, jam kundër kriminelëve. Krimi, siç kam përmendur edhe në një shkrim timin më parë, nuk ka përkatësi. Ata që marrin jetë njerëzish të pafajshëm duhen dënuar. Më ka pëlqyer  përmbajtja e një familjari të njërit prej viktimave, dhe qëndrimi i tij që vrasësit nuk i identifikonte me shqiptarë, as maqedonasë dhe as me radikalistë. Vrasësit –thoshte- kanë vetëm një identitet: vrasës. Por, i çuditshëm, për të mos thënë paradoksal, doli qëndrimi politik, që fajin ua hodhi myslimanëve shqiptarë. Në një operacion, për kryerjen e të cilit u angazhuan 800 policë, u arrestuan shumë veta, ose shumë “vehabistë”, të cilët, për çudinë tonë, kishin shumë gjëra që i bënin të mos identifikoheshin me “vehabizëm”. Madje, sa kuptuam ne, në mesin e tyre kishte edhe të atillë që nuk bënin as namaz derisa kishte edhe gra të moshuara.

 

 

Andaj të lidhen gjërat me etiketime si “vehabist”, “radikal”  “terrorist” etj. janë shpifje dhe të pa pranueshme. E kamë sqaruar në një artikull vite më parë se nuk ka “vehabistë”, ata nuk ekzistojnë fare. Flitet për diçka që fare nuk ekziston. Por ç’të bësh, kështu e kanë femohuesit. Pate mjekër apo nuk pate, fale namaz apo jo, vetëm pse je mysliman, kjo i pengon ata.

 

 

Ajo çka na bëri të mërzitemi edhe më shumë ishte fakti se liderët politikë shqiptarë në Maqedoni heshtën plotësisht, nuk pati asnjë reagim, heshtje kjo që ngjall dyshimin se ata po aprovojnë akuzat e pushtetit me aspirata antishqiptare.

 

 

E njëjta gjë gati se ishte edhe në Shqipëri dhe në Kosovë.

 

Ngjarja në Maqedoni ishte frymëzuese për disa pseudopolitikanë në Kosovë. Ata në vend se ta ngrisin zërin për t’i mbrojtur vëllezërit e tyre brenda dhe jashtë kufirit, se po ju shkelet e drejta si në vitet e nëntëdhjeta e më herët,  shkruanin për terrorizmin, duke ua vërtetuar organeve maqedonase deklaratat e tyre të rrejshme dhe u munduan që atë ta lidhin me “radikalizmin” e myslimanëve të Kosovës. Çka t’u thuash atyre pos të mjerët ne kush po na udhëheq dhe çfarë udhëheqës kemi.

 

I vetmi që u prononcua për këto ngjarje dhe që dha kritika me vend, ishte  Jakup Krasniqi, kryeparlamentar i Kosovës, i cili tha se autoritetet e Beogradit dhe ato të Shkupit po kryejnë aksione terroriste. Ai kërkoi që kësaj situate t’i përgjigjen të gjithë shqiptarët bashkërisht. Ai shfaqet kritik edhe ndaj bashkësisë ndërkombëtare, duke thënë se Brukseli nuk duhet ta lejojë destabilizimin e Ballkanit.

 

 

Po të nderuar, plotësisht pajtohem me kryeparlamentarin se faktori ndërkombëtar ka një pjesë të madhe të fajit, sepse e di mirë që shqiptarët janë populli më i urtë dhe më i pafajshëm. Ata e njohin kokëfortësinë dhe rebelimin e serbëve dhe të maqedonasve. Askujt nuk i fshihet ekstremizmi dhe radikalizmi i kishës ortodokse serbe dhe asaj maqedonase, por askush nuk ngrit zërin kundër tyre, e mjerisht as vendasit, e që mbi ta bie përgjegjësia kryesore. Ngase çka presim ne nga ndërkombëtarët kur ne vet nuk i mbrojmë qytetarët tanë. As Kosova e as Shqipëria nuk iu dalin në krah qytetarëve të vet që keqtrajtohen kudo që shkojnë. Partitë politike shqiptare në Maqedoni “i kanë shti veshët në lesh” duke iu nënshtruar pushtetit maqedonas për disa copë karriga në parlament. E në anën tjetër mes veti “dojnë me u pre e me u gri”. Andaj siç jemi, edhe punët i kemi.

 

 

Nuk kam pikë dyshimi se burgosjet e shqiptarëve nga shteti maqedonas dhe ai serb kanë qëllime të shumta e tendencioze, ndër to: lufta kundër Islamit dhe ndalja e hovit të tij që për çdo ditë është në shtim e sipër. Pastaj zbehja e imazhit të tyre para faktorit ndërkombëtar, kinse ju po i ndihmoni shqiptarëve, a në realitet ata janë “të dëmshëm” ngase janë “terroristë, vehabistë” etj. Në mënyrë që sa më shumë t’iu zhagitet kosovarëve inkuadrimi në strukturat evropiane.  Thuajse Evropa nuk na njeh neve dhe nuk e di se kush jemi ne.

 

 

Shqiptarët kanë qenë dhe vazhdojnë të jenë faktor stabiliteti në rajon, kanë qenë shembull për tolerancë fetare dhe do të jenë, por nuk do të pranojnë nënçmimet pafundësisht.

 

Mirëpo faktori ndërkombëtar deri më tani nuk ka bërë aq sa duhet që të zgjidhet problemi i shqiptarëve njëherë e përgjithmonë, qoftë në Kosovë, ku kemi problemin e veriut, qoftë në Maqedoni ku nuk po implementohet Marrëveshja e Ohrit dhe si rezultat i kësaj po shkelen të drejtat e shqiptarëve dhe se ata atje po trajtohen si njerëz të shkallës së dytë, apo vende tjera të banuar me shqiptarë. Por pa u rregulluar vet, dhe pa punuar vet për veten tënde aq sa mundesh, mos kërko ndihmë nga askush dhe mos të të jetë hatri nga askush. Andaj defekti kryesor është tek ne shqiptarët.

 

 

Pas atyre arrestimeve pati protesta masovike në Maqedoni dhe në Luginën e Preshevës, bile së fundi edhe në Shqipëri, veç në Kosovë jo. Unë i përkrahi shumë ato protesta dhe i shoh të domosdoshme dhe një nga rrugët që duhet ndjekur për ruajtjen dhe mbrojtjen e shqiptarëve kudo që janë.

Në fund thërras për bashkëpunim sa më të madh ndërmjet nesh, për unifikim të qëndrimeve, për ruajtje të traditës islame, e cila ka shpëtuar identitetin kombëtar nga asimilimi dhe ka bërë që shqiptaria të ruhet ndër shekuj. Të jemi sa më të vëmendshëm, vigjilent dhe syçelë ndaj intrigave të fqinjëve tanë ortodoks, të cilëve vazhdimisht po ua shohim sherrin.

 

Allahu i Madhëruar na ruajt!

Mirë u takofshim javën e ardhshme!

 

Me rrespekt
Shefqet Krasniqi


14 Komente

  1. preshevajone, May 8, 2012:

    Hoxhë efendi,
    shumë bre nervoz koke..Mesa e di une hoxhallart duhet me kan ma te qete, të
    urte…Ti vlla kake i sertë, hoxhë dhe patriot…thone dy llubenica njeri s munet me
    me i que me nje dore..po ti vallha po i qojshe edhe kah tri pasha  t madhin Zot, Pirolla t koft, lum Kosova qe
    te ka. Per bese une kam kujtue se hoxhallart dine vec me kallxue vajz… Bravos
    profesor Krasniqi te lumte, Allahu tqofte n¨’lula nxhehnetit per keto këshilla
    e udhzime…

     

     

    Ali Gergji

     

  2. enit nebiu, May 8, 2012:

    me vend e ke se shqiptaret jan popull i nemun..dhe ishalla i pruft ne mend allahu..

  3. unejammedi, May 8, 2012:

    SHUM MIR PO THUISH PO TE ISHIM TE GJITH NI KIME 
     PO KEMI QILLU PAK KRISHTER E GATI IQ MUSLIMAN SE PO I THONI VETIT MUSLIMAN PO SKINI LIDHJE ME MUSLIMANLLEKUN SE GJEMATIN E MIR E KINI PO JU HOGJALLARVE JU KA HANGER AI I PA HEMNI E PO E PRISHNI POPULLIN E PO BANI GJDO KUSH FE NE VETI 
     LINI FET PO SHIKONI IDEALIN E SHQIPTARIT   ME NDERIME MARKU

  4. Niki Gjilan, May 9, 2012:

    o mi ngu hogjallart as me gra slan me fjet po lej bre se kejt rena filozofa jna dal tash kur ke pa hogjallar edhe politikan edhe shkrimtar tash jan te gjith bashk hin kshyrin youtube edhe facebook edhe thoj mos hini se haram jan ato a vet hin sosht haram per ta po per neve po e du muslimanizmin dhe jam musliman po po qka po shof zoti ju bekoft dhe ju kthevt ne rug se qyhs duhet mu kon pershendetje per te gjith selam alejkum

  5. elvis vucaj, May 11, 2012:

    selamu alejkum hoxhallaret nuk flasin nga vetja e tyre ata vetem transmetojne fjalet e Zotit te Madheruar muslimani  nuk thote qe keto jane rrena edhe filozofia me islamin jane larg shume sepse islami meson mos me akuzu te tjeret pa te drejte,mund ta dish qe cdo gja ka anen e mire edhe ate te keqen si fcb si youtube kane anen e mire edhe te keqen e ata nuk ma merr mendja qe shohin harame nese po atehere llogaria e tyre do te jete ne dite te gjykimit 
    Me respekt 

  6. Fidan Vorfaj, May 9, 2012:

    hahaha ke harrue me permend se edhe ju hoxhallart jeni nemun jo veq politikanet edhe ju po rriheni mes vete

  7. FAtmiri, May 9, 2012:

    Ta theft zoti qafen, allahu i kofshim fal le ti bjen ne mend popujt e Arabis atje en Azi shiko qka po bajn ne mes vete , na jemi europian perveq ty hoxh nese te kan pru lejlekat prej Afganistanit ajo eshte tjeter gje.

  8. Xyth, May 9, 2012:

    Nuk jemi te nemun,por jemi te mjere qe nje hoxhe mendjekrisur si ti duhet te na mesoje si ecet perpara.

  9. Hoxha, May 9, 2012:

    kur thuhet :JEMI POPULL I NEMUN;pse nuk shtrohet pyetja :kush na nemi,pse na nemi,pse u pranu e nemura te allahu xheleshanuhu,ju si  njeri i ngritur ne fe duhet te na jipni pergjegje,,por un kisha me then:se fajin askuhs se merr mbi vete,dhe s efai esht jetim,ket po ua them un juve pak si i studjuar ne fen islame ,bile bukru koh shum para jush para mase dyzet viteve,ku ne mesin e fetarev sesht degju kurr:VEHAIJA,RASHIDIJA,synetija ;E SHITET,e sdie s eçka tjeter,na kemi qne te gjith nje ,pra musliman e shkoninm e u falnim prapa atyre hoxhallarve q ekan pas shum m apak mesim,por skan ber perçarje,duk ei fut tahs sikur ju ne lloj lloj dege ;vehai e sdi se kush ku ne cilin shtet ka studju e mundohet te fut ndikim ne at sekt ,pra ket po ua them juve si doktor shkence se esht nej fe nje zot ,e kjo esht feja muslimane e sejziston asnje sekt tjeter,andej perfundimi esht ky:askush sna ka nemun,e kemi nemun vetveten,pra si nemet vetvetja,pra vetdijen e kemi ZERO,pra e kemi trunin e peshkut

  10. rustemi, May 9, 2012:

    e more hoxh shefqet krasniqi po budall je e po pak din me fe se zoti nuk i nem kerkon se me nis me i nem popujt duhet me e nem kejt  boten po kjo qe nuk ecmi per para osht problem i madh se prej neve duhet shum e shum pun ma shum ashtu qysh kan punu gjermant pas luftes te dyt botrore  se zoti nuk ta pren udhen po ta qel udhen e ni pa besimtar munet me than ktan e ni njeri i padishem kshtu qe mir do ti isht ndegju prej tij ni fjal si do te lutna shum per popullit tim qe tna presin dit me te mira ne te ardhmen se kjo qe e ka than tung klm

  11. Batjari, May 9, 2012:

    ky njeri eshte hajvan krejt
    me vjen keq se gjysmen e kosves po i bene taleban e pantollaneshkurter
    hiqe kete idiot
    ne jemi musliman po jo nga keta palafqit me mjekra ne jemi me turqin
    islami nuk eshte ne lesh eshte ne veper , namazi pastertia , haxhi , zekati e shume te tjera
    mos interpretoni fjalet e ketij analfabeti

  12. sakica, May 9, 2012:

    Ah bre ti Imami Krasniqi, leje politiken, e shko fale Dreken se vakti, se ka kushe merret me politik,
    shifet kjarte se na myslimanet kemi marak me i shtie hundet kudo, edhe ne politik, e shefe se ai Imami i sanxhakut te serbis, konkurroj per president, keta ne prishtin si ky krasniqi po ashtu deshiron te merret me politik, e une asnje pop ose prift nuk kame ndegjue qe ka konkurue per president! veq myslimanet e kane merak fen me fute ne politik!

  13. Shqyptar, May 9, 2012:

    Njerez ma dyftyrsha e ma bukepermyst se na shqiptarët nuk ka, t’presim n’bese n’konak a, e sa i perket mallkimit, po vaAllahi hoxhe boll mire e ki, ani pse keta injorantet qe dine me fol shqip, po kurgjo ma shume s’dijne per shqiptari e ta kane inati sepse me u çu peshe e me i mbrojte zullumqaret qe po e katandisin krejt boten me luftera e varferi (jahudite), qe edhe vet Allahu Fuqiplote i ka mallku e denu si zullumqare, kjo veç te na ndodhe, na e bojme t’kunderten e asaj qe te tjeret e bojne. Paqe!

  14. DEMA, May 10, 2012:

    nuk jena popull i nemun o papak PO FEN E GABUSHME FEN E DREQIT nuk jan serbet as greket po jan varret e baballarve tan qe kurr nuk kan me na lan te qet

Komentoni