Futbollisti shqiptar me pasaportë zvicerane, Xherdan Shaqiri paraqitjet e mira në ndeshjet përgatitore i ka vazhduar edhe në ato zyrtare me skuadrën e tij të re, Bayern Munchen.Bavarezët e mposhtën skuadrën e Regensburgut në rrethin e parë të DFB Pokal në edicionin e ri, duke e përmbyllur takimin me shifrat prej 4:0.Shaqiri shkëlqeu kur realizoi në minutën e 60-të, për të ngritur epërsinë, në 2:0. Ai në mënyrë mjeshtërore ekzekutoi goditjen e lirë pranë zonës, duke lënë të stepur portierin vendas. Golin e parë e kishte shënuar përforcimi tjetër i bavarezëve, Mario Mandzukic në minutën e 32-të. Ai shënoi edhe golin e tretë për skuadrën dhe të dytin të në minutën e 80-të, para se Claudio Pizarro të vulos rezultatin, 4:0. Ndërkaq sa për të lënë më shumë gjurmë, Shaqiri pos golit të dytë mori pjesë edhe në dy golat tjerë në vazhdim, për tu shënuar në listën e asistuesve.
