Serbia nuk arrin të japë ide evropiane

Zëvendëskryeministrja e Qeverisë së Kosovës dhe shefja e delegacionit të Kosovës në bisedimet me Serbinë, Edita Tahiri, lidhur në deklaratën e presidentit serb, Boris Tadiq, se menaxhimi i integruar i kufijve ka qenë ide e tij, Tahiri në një intervistë për Kosovapress ka deklaruar se kjo ide ka ardhur nga Bashkimi Evropian, ndërsa akuzon Beogradin zyrtar, se ende nuk ka dal nga kornizat e nacionalizmit, duke mos arrit që të japë ide evropiane, apo t’i zbatojë ato ide.

Duke folur për vizitën e fundit të ndërmjetësit evropian, Robert Kuper, në Prishtinë, Edita Tahiri thotë gjatë takimit kanë biseduar për nevojën e implementimit të marrëveshjeve të arritura në Burksl, mes Kosovës dhe Serbisë, por gjithashtu sipas saj, në takim Kuperi shpalosi idenë e menaxhimit të integruar të kufijve.

Ajo shtoi se mbi bazën e bashkëpunimit si dy shtete të pavarura dhe fqinje, Qeveria e Kosovës ka dhënë pëlqimin pozitiv dhe në të ardhmen do të angazhohet që këto parime të reflektohen në një marrëveshje që mund të nënshkruhen nga shteti i Kosovës, i Serbisë dhe Bashkimi Evropian.

Kurse, sa i përket deklaratave të presidentit të Serbisë, Boris Tadiq, se menaxhimi i integruar kufijve ka qenë ide e tij, Tahiri thotë se Tadiqi duhet ta ketë parasysh që koncepti evropian për menaxhimit e integruar të kufijve është një koncept i definuar me ligjet evropiane, që flet qartë për vendosjen e bashkëpunimit ndërkufitar ndërmjet dy shteteve të pavarura dhe kjo është baza juridike e politike e çfarëdo marrëveshje që mund të del në këtë drejtim.

“Për sa i takon ideve dhe politikave të Serbisë, ende nuk kanë dal nga kornizat e nacionalizmit, pra nuk kanë arrit që të japin ide evropiane, apo t’i zbatojnë idetë evropiane”, ka thënë Tahiri.

Kryenegociatorja Edita Tahiri po ashtu potencoi se Qeveria e Kosovës ka kërkuar nga Bashkimi Evropian më shumë konstruktivitet si palë në bisedime, që Kosova të shpërblehet me marrjen e marrëdhënieve kontraktuale me BE-në.

Sipas Tahirit, Kosova gjatë këtij dialogu ka shënuar fitore shumë dimensionale, pasi që është hera e parë që Serbia kushtëzohet në rrugën e integrimeve evropian me Kosovën, por gjithashtu një fitore tjetër është që Kosova dhe Serbia për herë të parë gjatë një historie armiqësore kanë arritur pesë marrëveshje.


Nuk ka komente

Bëhu komentuesi i parë!

Komentoni