Një 18-vjeçar në fshatin Vlahën të rrethit të Hasit gjeti vdekjen në orët e vona të natës si pasojë e shkarkimeve atmosferike.
Ngjarja ka ndodhur në vendin e quajtur “Shpella e pëllumbave”, në afërsi të fshatit Vlahën të rrethit të Hasit, kur shtetasi Rexh Muhadri, 18 vjeç, është goditur nga rrufeja dhe ka gjetur vdekjen, njoftoi zëdhënësja e drejtorisë së policisë së qarkut të Kukësit, Suada Sulaj.
Kanë qenë banorët e fshatit, të cilët kanë konstatuar goditjen e 18 vjeçarit nga rrufeja, të cilët kanë informuar edhe komisariatin e policisë të rrethit.
Ndërkohë, në vendngjarje kanë shkuar edhe forcat e policisë, të cilat për shkak të kushteve të këqija të motit dhe në kushtet e errësirës vetëm mëngjesin e sotëm po kryejnë veprimet hetimore
