Ndonëse ende nuk është emëruar zyrtarisht trajner i kombëtares shqiptare, megjithatë tashmë sipas mediave shqiptare ka mbetur vetëm çështje orësh kur eksperti gjerman, Lorenz Gunter Kostner, do të firmos kontratën dyvjeçare me kuqezinjtë.
Ish-sulmuesi i njohur i ekipit shqiptar, Altin Rrakli, ka thënë se Kostner është trajner i duhur për Shqipërinë. Ai e njeh mirë ekspertin gjerman, për faktin se ka qenë disa sezona nën urdhëratë e tij.
“Është trajner shumë i mirë. Madje mund të them që është trajneri më i mirë që kam pasur gjatë karrierës sime në Gjermani. Ai ka treguar sukses të madh në Gjermani”, ka thënë Rrakli për “Sportinshqiptar”.
“Është trajner shumë korrekt dhe i disiplinuar. Pikërisht këtë kërkon edhe nga futbollistët, disiplinë dhe korrektësi”, ka thënë ai. Sipas Rraklit, strategu gjerman do të ketë sukses më kombëtaren shqiptare.
