Mesfushori i Holandës, Arjen Roben premton maksimumin në ndeshjen e dytë në Grupin B kundër Gjermanisë, ngase vetëm me fitore mund të shpresojnë për kualifikim në çerekfinale.
Edhe pse kanë humbur ndeshjen e parë kundër Danimarkës, “Tulipanët” nuk i kanë humbur shpresat për kualifikim. “Ndeshja me Gjermaninë vendos gjithçka. Jemi të bindur në rezultat pozitiv. Thjesht, duhet, mundemi dhe do të arrijmë të triumfojmë kundër gjermanëve. Fitorja në këtë takim do t’i përmirësojë gjërat dhe do të na jap motiv shtesë për të vazhduar tutje”, ka thënë Roben. Ndeshja ndërmjet Gjermanisë dhe Holandës, zhvillohet të mërkurën, në orën 20:45.
