PS më në fund pranon rezultatin e KQZ-së që shpall Lulzim Bashën fitues

Partia Socialiste (PS) pranon rezultatin e KQZ-së që shpall Lulzim Bashën fitues me 93 vota para Edi Ramës për Bashkinë e Tiranës.

Ishte vetë Partia Socialiste që këtë të mërkurë kërkoi nga Kolegji Zgjedhor pushimin e gjykimit të kërkesës më të cilën ajo mbante hapur në betejën e saj ligjore dy rrugë sulmi, kur krahas kundërshtimit të kësaj tabele rezultati, kërkonte dhe pavlefshmërinë e zgjedhjeve për kryetar Bashkie në Tiranë, njofton ABC News.

Pasi Kolegji pushoi gjykimin, Partia Socialiste, nuk ndryshon dot me rezultatin me 93 vota para të Bashës, duke u orientuar vetëm drejt rrugës së vetme të mbetur, asaj të prishjes së zgjedhjeve, nëpërmjet anulimit dhe përsëritjes së tyre.

Por socialistët kanë një shans vetëm nëse Kolegji Zgjedhor i Apelit ne seancën e se enjtes i përgjigjet pozitivisht kërkesës tjetër të tyre, duke kthyer çështjen në KQZ, për të marrë në shqyrtim pavlefshmërinë e pretenduar nga socialistët.

Në rast se kjo ndodh çështja rivjen në Kolegj për shkak të rrëzimit të mundshëm të saj në KQZ, duke u rikthyer disa ditë më vonë çështjen që këtë 6 korrik Kolegji Zgjedhor mund ta shqyrtonte në themel.

Por mbetet dhe rruga tjetër më e shkurtër, ne rast se trupa gjykuese do të rrëzojë Partinë Socialiste, duke legjitimuar vendimin e KQZ që e cilësoi kërkesën e socialistëve për pavlefshmëri jashtë afateve.

Në këtë rast presupozohet që gara për Tiranën prek finishin më 7 korrik, vetëm një ditë para se të mbusheshin plot dy muaj nga 8 maji i datës së zgjedhjeve.

Gjithçka mori këtë rrjedhë pasi, socialistët kishin depozituar me disa ditë diferencë dy padi në Kolegj, duke kërkuar fillimisht pavlefshmërinë e zgjedhjeve në Tiranë dhe më 2 korrik kthimin e çështjes për shqyrtim në KQZ.

Demokratët në fillim të seancës për kërkesën e parë kërkuan bashkimin e dy çështjeve në një.

Pas disa minutash konsultim jashtë sallës, socialistët vendosën të tërhiqeshin nga kërkesa për pavlefshmëri, një përpjekje për zvarritje të mëtejshme e garës u cilësua nga demokratët.

Trupi gjykues që pushoi kërkesën e socialistëve për pavlefshmëri, kishte si realator Astrit Kalanë dhe anëtarë të tjerë tëtrupit gjykues Sashenka Jonuzin, Petraq Dhimitrin, Marie Qirjazin dhe Dhurata Haverin.

Të enjten mbetet pothuajse i njëjti trup gjykues me përjashtim të faktit se tashmë relatore do të jete Sashenka Jonuzi, ndërsa në vend të Petraq Dhimitrit shorti ka sjellë Meriban Mullain.


Nuk ka komente

Bëhu komentuesi i parë!

Komentoni