PROTESTA W

MBI 100 TE ARRESTUAR E TË PLAGUSUR AKTIVISTE TE VETVENDOSJES DHE POLICË

Lëvizja Vetëvendosje ka lëshuar një komunikatë para pak çastesh ku shpalos emrat e të arrestuarave.

Ata janë:

1. Hysen Durmishi (Merdarë)

2. Salih Zyba (Merdarë)

3. Gani Krasniqi (Merdarë)

4. Naser Shatri (Merdarë)

5. Fisnik Ismajli (Merdarë)

6. Blerim Manqastena (Merdarë)

7. Durim Jasharaj (Merdarë)

8. Arbër Zaimi (Merdarë)

9. Shpend Ahmeti (Merdarë)

10. Frashër Krasniqi (Merdarë)

11. Naim Bunjaku (Merdarë)

12. Pëllumb Xharra (Merdarë)

13. Kushtrim Morina (Merdarë)

14. Liburin Aliu (Dheu i Bardhë)

15. Alban Krasniqi (Dheu i Bardhë)

16. Afrim Hoti (Merdarë)

17. Taulant Kurti (Merdarë)

18. Blerim Sallahu (Merdarë)

19. Visar Ymeri (Dheu i Bardhë)

20. Aida Derguti (Dheu i Bardhë)

21. Boiken Abazi (Dheu i Bardhë)

22. Ismajl Kurteshi (Dheu i Bardhë)

23. Albana Gashi (Merdarë)

24. Premton Ibërdemaj (Dheu i Bardhë)

25. Glauk Konjufca (Dheu i Bardhë)

26. Bekim Zeqiri (Merdarë)

27. Gëzim Prestreshi (Merdarë)

28. Genc Musa (Merdarë)

29. Fidan Prokshi (Merdarë)

30. Petrit Bajraktari (Merdarë)

31. Bleron Azizi (Merdarë)

32. Fitim Rrahmani (Merdarë)

33. Nora Osmani (Merdarë)

34. Gëzim Hajdini

35. Dren Elshani (Merdarë)

36. Arlind Mangjuka (Merdarë)

37. Mirlinda Krasniqi (Merdarë)

38. Shpresa Sejdiu (Merdarë)

39. Pajtim Elshani (Merdarë)

40. Glauk Elshani (Merdarë)

41. Fidan Ademi (Merdarë)

42. Xhevdet Abazi

43. Kushtrim Avdimetaj (Merdarë)

44. Ilir Uka (Merdarë)

45. Fadil Hajdari (Merdarë)

46. Ibrahim Miftari (Merdarë)

47. Besim Ferizaj (Merdarë)

48. Arsim Termkolli (Merdarë)

49. Miftar Mehmeti (Merdarë)

50. Ilir Salihu (Merdarë)

51. Bekim Sylejmani (Merdarë)

52. Arbër Hasanaj (Merdarë)

53. Arben Hasani (Merdarë)

54. Flamur Hasani (Merdarë)

55. Ahmet Hasani (Merdarë)

56. Gëzim Latifi (Merdarë)

57. Besart Shala (Merdaër)

58. Jeton Shala (Merdarë)

59. Gëzim Jelliqi (Merdarë)

60. Halit Memaj (Merdarë)

61. Sabri Bajraktari (Merdarë)

62. Fanol Shala (Merdarë)

63. Agim Lajthiza (Merdarë)

64. Ilir Dibrani (Merdarë)

65. Gëzim Hyseni (Merdarë)

66. Shaban Feraj (Merdarë)

67. Sabri Hasani (Merdarë)

68. Erblin Alia (Merdarë)

69. Kushtrim Krasniqi (Merdarë)

Derisa, njofton se me lëndime të rënda fizike janë Glauk Konjufca, Hysen Kaqiku, Besfort Morina, Alban Jupolli, Burim Hoqa dhe Valdrin Ahmeti.

 

Polica rrah Glauk Konjufcën

Lëvizja Vetëvendosje ka njoftuar se deputeti i kësaj partie në Kuvendin e Kosovës, Glauk Konjufca, është rrahur nga Policia e Kosovës.

“Deputeti Glauk Konjufca rrahet brutalisht”, thuhet në njoftimin e kësaj partie.

Konjufca, bashkë me deputetë tjerë, ka qenë sot gjatë gjithë ditës në afërsi të pikës kufitare të Dheut të Bardh.

 

Arrestohen Glauk Konjufca, Luburn Aliu, Visar Ymeri, Afrim Hoti…

Reporteri ynë njofton se Policia ka nisur t’i shpërndajë protestuesit e mbledhur te Dheu i Bardh.

Vetëvendosje njofton se është arrestuar deputeti Glauk Konjufca, deputeti Liburn Aliu, deputeti Visar Ymeri, Ismajl Kurteshi, Boiken Abazi, Aida Dërguti, Alban Krasniqi, Kushtrim Morina, Premton Ibërdemaj.

Kurse në Besianë arrestohet deputeti Afrim Hoti, Taulant Kurti, deputetja Albana Gashi, Blerim Sallahu.

Arrestohet Shpend Ahmeti

Nënkryetari i Vetëvendosjes, Shpend Ahmeti, është arrestuar para pak çastesh nga policia e Kosovës, njofton reporteri ynë nga vendi i ngjarjes.

Ahmeti gjatë tërë ditës sot ka qenë në rrugën që çon për në Merdare.

Ky është arrestimi i parë i Ahmetit, qyshkur iu bashkua Lëvizjes së Albin Kurtit.

Deri me tani janë arrestuar rreth 50 anëtarë të Vetëvendosjes si dhe janë lënduar 13 policë.

Po ashtu, është arrestuar edhe aktivisti i Vetëvendosjes nga Tirana, Arbër Zajmi.

Të arrestuar janë edhe: Frashër Krasniqi dhe Naim Bunjaku.

Policia pritet t’i shpërndajë protestuesit te Dheu i Bardhë

Policia e Kosovës iu ka dhënë një ultimatum prej 30 minutash protestueseve të Dheu i Bardh që të tërhiqen nga rruga.

Në të kundërtën, policia pritet t’i shpërndajë me forcë aktivistët e Lëvizjes Vetëvendosje, të mbledhur afër kësaj pike kufitare.

Policia ka shpërndarë protestuesit që ishin mbledhur në rrugën që çon për në Merdare, derisa tash pritet që e njëjta gjë të ndodh edhe te Dheu i Bardhë.

Policia rifillon intervenimin

Pas gjysmë ore pushim, policia ka rifilluar intervenimin me gaz lotsjellës dhe topa ujë ndaj protestuesve në magjistralen për në Merdarë. Polica është duke tentuar të shpërndajë edhe protestuesit në brendi të qytetit në Besianë.

Ndryshe, nënkryetari i Lëvizjes Vetëvendosje, Shpend Ahmeti ka deklaruar për Kosovapress se nuk do të zmbrapsen deri në aktivistin e fundit.

“Turmat e protestuesve janë duke u shtuar. Janë duke ardhur edhe dy autobusë nga Tirana dhe tre autobusë tjerë nga Prishtina. Ne nuk jemi duke e penguar lëvizjen e lire, jemi duke i penguar vetëm maunat me mallra serbe. Deri më tani nuk ka mundur me kaluar asnjë maunë me mallra serbe”, tha Ahmeti.

 

Ahmeti: Nuk zmbrapsemi deri në aktivistin e fundit

Nënkryetari i Lëvizjes Vetëvendosje, Shpend Ahmeti ka deklaruar për Kosovapress se nuk do të zmbrapsen deri në aktivistin e fundit.

“Turmat e protestuesve janë duke u shtuar. Janë duke ardhur edhe dy autobusë nga Tirana dhe tre autobusë tjerë nga Prishtina. Ne nuk jemi duke e penguar lëvizjen e lire, jemi duke i penguar vetëm maunat me mallra serbe. Deri më tani nuk ka mundur me kaluar asnjë maunë me mallra serbe”, tha Ahmeti.

 

Policia: 42 persona të arrestuar, 13 policë të lënduar

Gjate intervenimit Policia vazhdimisht ka hasur ne rezistence aktive nga ana e protestuesve duke sulmuar policin me mjete te ndryshme te forta (gurë dhe gjësende tjera të metalta ) ku si pasoje e kësaj deri me tani trembëdhjetë (13) policë kanë pësuar lëndime trupore, të cilët kanë kërkuar ndihmën mjekësore.

“Në bazë të informacioneve të pranuara nga qendra mjekësore deri në këto momente katër (4) persona kane kërkuar ndihmë mjekësore. Gjatë intervenimit policore janë ndaluar deri në këto momente dyzet e dy (42) persona te cilët janë shoqëruar në stacionin policore për procedure te mëtutjeshme hetimore”, thuhet në komunikatën e tretë shtyp të PK-së.

Po ashtu, PK thotë se gjatë ditës se sotme lëvizja e lirë e qytetareve edhe për kundër protestës ka vazhduar ne dy vendkalimet kufitare si në Merdare dhe tek Dheu i Bardh.

“Gjatë ditës kanë hyrë automjete të ndryshme udhëtaresh dhe disa kamion me mallra të cilat kanë kaluar duke iu nënshtruar procedurave kufitare dhe doganore sipas procedurës ligjore për kalimin e kufirit. Policia e Kosovës është e përkushtuar që të kryej të gjitha dëtyrat e saj konform autorizimeve të saj ligjore”.

VV: 30 të arrestuar

Lëvizja Vetëvendosja ka thënë në faqen zyrtare të tyre në Facebook se Policia e Kosovës ka arrestuar 30 anëtarë të kësaj lëvizje.

Sipas VV-së, protestuesit e arrestuar po mbahen në stacionin policor në Besianë.

Sipas VV-së, dy protestues, Alban Jupolli (1991) dhe Burim Hoqa (1983), janë të lënduar në kokë. Ata gjinden në QKUK në sallën e emergjencës.

Për gjendjen e tyre momentale dhe shëndetit të dy të lënduarve ende nuk ka informacione të sakta.

Protestuesit rigrumbullohen, policia përgatit për intervenim të radhës

Në këto momente është qetësuar situata në rrugën kryesore që shpie për në Merdarë, derisa policia po furnizohet me mjete të nevojshme, me topa ujë dhe gaz lotsjellës për të bërë intervenimin e radhës ndaj protestuesve, të cilët po arrin të rigrumbullohen dhe në vazhdimësi brohorasin “Serbia nuk kalon”.

Gazetarët e Kosovapress-it raportojnë se një grup i të rinjëve janë grumbulluar edhe brenda qytetit të Besianës, ndaj të cilëve po ashtu policia është duke përdor topa ujë dhe gaz lotsjellës për t’i shpërndarë.

Mallrat serbe fillojnë të hynë në Kosovë?

Pas shpërndarjes së protestuesve në Besianë nga Policia tanimë thuhet se ka filluar që në Kosovë të hynë kamion me mallra serbe.

Sipas agjencive, pas shpartallimit të protestuesve, thuhet se ka rifilluar hyrja e kamionëve me mallra serbe në Kosovë në përcjelljen e Policisë së Kosovës.

Kurti: Qeveria nuk po e respekton Kushtetutën

Lideri i Lëvizjes Vetëvendosje i është adresuar turmës në Besianë ku ka thënë se Qeveria nuk po e respekton mocionin për reciprocitet të miratuar në Qeveri me 7 dhjetor të vitit të kaluar.

“Në bazë të Kushtetutë, Qeveria e Kosovës obligohet që të zbatoj vendimet që dalin nga Kuvendi i Kosovës”, ka thënë Kurti.

Ndryshe, për intervenimin e Policisë së Kosovës ka reaguar edhe Këshilli për Mbrojtjen e të Drejtave dhe Lirive të Njeriut.

“Policia e Kosovës nuk ka ofruar ndihmë për të plagosurit dhe të lënduarit e Vetëvendosjes. Përkundrazi, i kanë tërhequr zvarrë dhe arrestuar”, ka thënë Behxhet Shala nga KMDLNJ.

 

Sadriu: Kurti nuk është arrestuar

Policia e Kosovës nëpërmes zëdhënësit të saj Brahim Sadriu ka konfirmuar për Express se Albin Kurti nuk është arrestuar.

“Jo! Albin Kurti nuk është i arrestua”, ka thënë Sadriu.

Ndryshe, raportohet se Policia është duke vazhduar aksionin e saj për shpërndarje të protestuesve, ku njoftohet se ka edhe të lënduar. Në mesin e tyre është edhe lideri i Vetëvendosjes, Albin Kurti.

Pas bllokimit te rrugës nga ana e protestuesve ne hyrje te Podujevës, rreth orës 14:12 min Policia e Kosovës ka urdhëruar protestuesit qe brenda pesëmbëdhjete (15) minutave ta lirojnë rrugën për qarkullim te lire te qytetareve dhe mallrave, duke iu sqaruar se bllokimi i rrugëve dhe pengimi i lirisë se lëvizjes është veprim i kundërligjshëm i cili nuk do te tolerohet nga Policia.

Ndryshe, në një komunikatë për shtyp të Policisë se Kosovës thuhet se urdhëri për zhbllokim te rrugës nuk është zbatuar nga ana e protestuesve, de si rrjedhojë Policia është detyruar që të ndërmarrë veprimet e nevojshme për hapjen e rrugës dhe sigurinë e lëvizjes se lirë.

“Gjatë intervenimit Policia ka hasur në rezistence aktive nga ana e protestuesve duke sulmuar policin me mjete të ndryshmë të forta (gurë dhe gjësende tjera të metalta ) ku si pasojë e kësaj deri me tani janë dhjete (10) policë kanë pësuar lëndime trupore, të cilët kane kërkuar ndihmën mjekësore”, thonë PK.

Si pasoje e rezistencës nga ana e protestuesve Policia e Kosovës ka përdorur gazin lotsjellës dhe topin e ujit për shpërndarjen e turmës, me qellim te vënies se situatës nen kontrolle dhe sigurisë se lëvizjes se lire.

“Gjatë intervenimit policore janë ndaluar deri në këto momente janë tetëmbëdhjete (18) persona tëe cilët janë shoqëruar në stacionin policore për procedure te mëtutjeshme hetimore”, thonë PK.

Nga ana tetër, Lëvizja Vetëvendosje ka thënë se edhe përkundër ndërhyrjes së policisë, protestuesit po vazhdojnë qëndrojnë në vendin e quajtur qershiat e Llapashticës (Besianë).

 

Arrestohet edhe Albin Kurti

Lideri i Lëvizjes vetëvendosje është arrestuar para pak çastesh nga Njësia Speciale e Kosovës.

Lajmin e ka postar në faqen e saj zyrtare në Facebook Lëvizja Vetëvendosje.

Pos Albin Kurtit janë arrestuar edhe: Naser Shatri, Fisnik Ismajli, Gani Krasniqi, Salih Zyba, Blerim Manqastena, Hysen Durmishi dhe disa aktivistë të tjerë.

Ndërkohë, Policia e Kosovës po përdor kundër demonstruesve gaz lotësjelles.

Policia e Kosovës ka filluar që të largojë nga rruga protestuesit duke përdorur edhe gaz lotsjellës.

Gjendja është nën kontroll por ende nuk dihet se si do të reagojnë protestuesit përballë kësaj.

Deri me tani, pavarësish intervenimit dhe arrestimit të disa protestuesve dhe aktivistëve, gjendja është nën kontroll.

Arrestohet Fisnik Ismajli dhe aktivistë të tjerë

Ndërkohë Policia e Kosovës ka intervenuar dhe gjatë intervenimit të saj ka arrestuar aktivistin e Lëvizjes Vetëvendosje, Fisnik Ismajli.

Reporteri i Express ka thënë se pos Ismajlit janë arrestuar edhe aktivistë të tjerë të Lëvizjes Vetëvendosje.

Policia: Dy policë të lënduar

Nga ana tjetër Ministri i Brendshëm Bajram Rexhepi ka bërë thirrje që të lirohen të gjitha rrugët.

Këtë e ka konfirmuar Rexhepi për ABC Neës, përderisa të njëjtën e ka thënë edhe një komunikatë për shtyp edhe Policia e Kosovës.

“Gjatë orëve te paradites kane filluar lëvizje te qytetareve nga rajone dhe komuna te ndryshme për tu mbledhur dhe protestuar ne dy vendkalimet kufitare Merdare dhe Dheu i Bardhe”, thuhet në komunikatë.

“Policia e Kosovës është duke i ndërmarrë te gjitha veprimet konform Kushtetutës se Republikës se Kosovës dhe autorizimeve policore për te siguruar rendin dhe qetësin publike si dhe lëvizjen e lirë te qytetareve dhe mallrave ne dy vendkalimet kufitare dhe ne gjithë territorin e Republikës se Kosovës”.

Sipas PK-së, një numër i protestuesve dhe përfaqësuesve te subjektit politik Vetëvendosja janë tubuar duke bllokuar rrugën disa kilometra jashtë vendkalimeve kufitare Dheu i Bardhe dhe Merdare.

“Ne rrugën magjistrale ne hyrje te Komunës se Podujeve disa protestues kishin bllokuar rrugën duke pamundësuar lëvizjen e lire te njerëzve dhe mallrave, duke ndaluar dy kamion. Njësitet policore kane intervenuar për te liruar qarkullimin e dy kamionëve e ndaluar qe kishin ardhur nga vendkalimi kufitar Merdare, ku gjate këtij intervenimi policor janë lënduar dy zyrtare policore te cilët kane pësuar lëndime trupore”.

PK thotë se të dy zyrtaret policore kane marre tretman mjekësore ne Qendrën e Mjekësisë se Komunës se Podujevës.

“Në vendkalimin kufitar Vermimce Policia e Kosovës ka ndaluar një autobusë me qytetare te cilët kane qene duke hyre ne Kosovës, gjate kontrollit dhe verifikimit te dokumentacioneve te tyre është vërejtur se disa nga udhëtarët nuk kane poseduar dokumentacione si dhe autobusi nuk ka qene ne gjendje te rregullt teknikisht për kalimin e kufirit te cilit i është refuzuar hyrja. Policia e Kosovës është duke menaxhuar situatën e sigurisë konform planifikimeve operacionale policore dhe njëkohësisht apelon tek te gjithë qytetaret qe te ju shmangen te gjitha veprimeve te kundërligjshme dhe te mos bien pre e provokimeve”.

Policia e Kosovës 5 minuta ultimatum Vetëvendosjes

Policia e Kosovës i ka dhënë ultimatum protestuesve të Vetëvendosjes që të hapin rrugën për pesë minuta ose përndryshe do ta hapin duke i shpërndarë protestuesit.

Vetëvendosja, nga ana tjetër ka thënë se ata nuk janë ka protestojnë kundër Policisë dhe i ka bërë thirrje që Policia t’i respektoj vendimet e Kuvendit të Kosovës dhe se ata nuk duhet që t’i ndjekin urdhrat e ministrave dhe kryeministrit që po e ngufasin shtetin.

“Ne jemi në mbrojtje të shtetit të Kosovës dhe se Kuvend i Kosovës ka vendosur që të vendoset reciprociteti i plotë kundër Serbisë”, ka thënë lider i Lëvizjes Albin Kurti.

“Mos nga sulmoni, mos na provokoni sepse as ne nuk ju sulmojmë sepse nuk jemi kundër Policisë së Kosovës”, ka thënë ai

Ndryse, reporteri i Express thotë se shihet grumbullimi i madh Policisë para protestuesve.

Ahmeti: Serbia nuk kaloi

Nënkryetari i Lëvizjes Vetëvendosje, Shpend Ahmeti, ka thënë se qëllimi i protestës së tyre deri me tani është arritur pasi që asnjë kamion nga Serbia nuk ka kaluar.

”Derisa Serbia nuk kalon dhe asnjë kamion serb nuk kalon nëpër këtë pikë atëherë Serbia nuk ka kalua”, ka thënë Ahmeti.

Ndryshe, reporter i Express ka thënë se gjendja është e qetë dhe se liderët e Vetëvendosjes vazhdimisht bëjnë thirrje që qytetarët me targa të Kosovës të kalojnë lirshëm pa u penguar më të.

Kurti: Reciprociteti u arrit

Lideri i lëvizjes Vetëvendosje Albin Kurti, ka mbajtur një fjalim para protestuesve ku ka thënë se asnjë polic mos të preket sepse ata arritën qëllimin e tyre, masat e reciprocitetit me Serbinë.

Sipas Kurtit, që nga dita e sotme e protestës asnjë kamion serb nuk është hyrë në Kosovë dh se ky ka qenë qëllimi i tyre.

Ai ka përsëritur disa herë që mos të preket asnjë polic i Kosovës me dorë dhe se protesta të jetë sa më paqësore.

Ndryshe, protestuesit janë duke kënduar këngën “Besa Besë” dhe parulla të ndryshme.

“Serbia e cila i mba 1800 trupa të pa jetë, Serbia e cila nuk ka dhënë as fondet pensionale dhe asgjë tregon më së miri se Serbia dëshiron ta bllokojë sa më shumë shtetin e Kosovës”, ka thënë Kurti.

Kurti ka thënë po ashtu se do të lejoj të gjithë automjetet të shqiptarëve nga Kosova që vinë nga shtetet perëndimor mund të kalojnë por jo edhe ato serbe.

Në të njëjtën kohë disa kamionë me prodhime vendore i Kosovës është lejuar nga Vetëvendosje, përderisa edhe automjetet me targa të republikës së Kosovës nuk janë ndaluar pori është lejuar që të kalojnë pa problem.

 

Lëndohet lehtë një polic

Ndërkohë, turma është qetësuar përderisa një polic i Kosovës është lënduar lehtë pasi që një protestues e ka goditur atë me një tullë.

Gjendja është qetësuar pas thirrjeve që janë bërë si nga ana e policisë ashtu edhe nga ana e protestuesve.

Por, protestuesit po insistojnë që t’ju lirohet rruga për të shkuar deri në kufi.

Ndërhyn Policia

Policia e Kosovës ka filluar që të shpërndajmë protestuesit.

Sipas reporterit të Expressit Policia është duke hedhur sprej drejt protestuesve tek udhëkryqi i Podujevës.

Ndërkohë, në Dheun e Bardhë raportohet se gjendja është e qetë.

Kurti dhe Ahmeti, thirrje për protestë paqësore

Protestuesit e Lëvizjes Vetëvendosje janë ndalur tek udhëkryqi i Podujevës.

Reporteri i Express, ka arritur tek udhëkryqi i Podujevës dhe ka thënë se Policia e Kosovës ka bllokuar çdo rrugë që shpie tek pika kufitare Merdare.

Njësia Speciale e Kosovës i ka ndal protestuesit në këtë pikë, përderisa Albin Kurti arritur në këtë pikë bashkë me tre autobusë të tjerë me protestues dhe disa kombi.

Ka një grumbullim të madh të protestuesve përderisa Njësia Speciale të Kosovës ka bllokuar protestuesit.

Dy liderët e Lëvizjes, Albin Kurti dhe Shpend Ahmeti kanë mbajtur një fjalim ku kanë bërë thirrje edhe njëherë që protesta të jetë paqësore.

Protestuesit nisin të Grumbullohen

Në të dy pikat kufitare Dheu i Bardhë dhe Merdare ka filluar grumbullimi, por reporterët në kufi të Gazetës Express kanë parë protestues të grumbulluar vetëm tek Dheu i Bardhë por jo në Merdare.

Deri me tani nuk janë vërejtur protestues në Merdare, por grumbullim ka vetëm tek Dheu i Bardhë.

Policia është duke bërë kontrollim të rreptë të udhëtarëve, ndërkohë ka prani të madhe të Policisë dhe medieve të Kosovës dhe atyre ndërkombëtare.

Ndërkohë, Kurti prapë pa ka ripërsëritur se protesta do të jetë paqësore.

500 protestues te Dheu i Bardhë

Rreth 500 protestues të Lëvizjes Vetëvendosje janë mbledhur të Dheu i Bardhë përderisa Njësia Speciale e Policisë së Kosovës i ka bllokuara ata 300 metra larg pikës kufitare.

Në rrugë kontrollimin janë duke e bërë Policia e Trafikut, kurse pas tyre janë barrikaduar Njësia Speciale.

Reporteri i Gazetës Express thotë se deri me tani situata është e qetë dhe nuk është shënuar ndonjë incident.

Nga ana tjetër, sipas reporterit të gazetës Express, në Merdare Policia e Kosovës ka vënë dy postblloqe me një largësi pesë kilometërshe njëra me tjetrën dhe nuk po lejon kalimin e asnjë qytetari me përjashtim të gazetarëve dhe KFOR’it.

Policia në një postbllok tjetër afër kufirit po bën kontrollimin e qytetarëve me letërnjoftime.

Nga ana tjetër Albin Kurti në nisjen nga Prishtina ka thënë se protesta do të jetë paqësore.

Kurti ka thënë se prezenca e shtuar e forcave policore nuk do ta zmbrapsë atë dhe lëvizjen nga aksioni i paralajmëruar.

Ai ka përsëritur se nuk do të pengohet lëvizja e lirë e njerëzve dhe se do të bllokohen vetëm mallrat serbe.

 

Vetëvendosje niset drejt kufirit

Lëvizja Vetëvendosjes së bashku me krerët e saj tashmë është rrugës drejt pikave kufitare te Dheu i Bardh dhe Merdare. Lajmin e ka konfirmuar Dardan Mulliqaj nga kjo lëvizje.

Dardan Mulliqaj ka thënë për Info Globin se tashmë anëtarët e Lëvizjes Vetëvendosje së bashku me deputet e kësaj janë nisur për në pikat kufitare te Dheu i Bardh dhe Merdare.

“Ne tanimë jemi rrugës për në pikat kufitare te Dheu i Bardhë dhe në Merdare jemi nisur rreth orës 11:30 min. Tani jemi në dalje të qytetit të Gjilanit” ka konfirmuar Dardan Mulliqaj nga lëvizja Vetëvendosje.

Përndryshe, në doganën e Morinës kanë arritur dy autobus me përkrahës të Lëvizjes Vetëvendosjes. Raportohet se policia nuk ka lejuar përkrahësit e Vetëvendosjes nga Shqipëria që të kalojnë kufirin.

Blindohen kufijtë

Policia e Kosovës ka dërguar numër të madh të pjesëtarëve të njësive elitë në dy pikat kufitare, Merdare dhe te Dheu i Bardh.

Reporteri i Gazetës Express, i cili ndodhet në Merdare, thotë se rruga deri në kufij është pothuajse e zbraztë, derisa në pikën kufitare vërehen forca të mëdha policore. Sipas tij, njësitë elite janë të pajisura edhe me makineri të rëndë.

Reporteri ynë thotë se aktualisht qytetarë dhe mallra po hyjnë dhe po dalin normalisht, sikurse në çdo ditë të zakonshme pune.

Ndërkohë, Policia është duke bërë edhe kontroll të rreptë të udhëtarëve që hynë në Prishtinë nga qytetet e tjera të Kosovës.

Policia janë duke kontrolluar autobusët ku shikojnë mos ndojnë udhëtar ka ndonjë shenjë të Lëvizjes Vetëvendosje.

Policia e Kosovës këtë kontroll është duke e bërë për të gjithë udhëtarët që hynë në Prishtinë, duke vënë punkte policore gjatë hyrje daljeve në kryeqytet.

Lëvizja Vetëvendosje ka paralajmëruar se sot në ora 13:00 do t’í bllokojë dy pikat kufitareem Serbinë, atë të Merdarës dhe Dheu të Bardh.

Krye n’veti

Lëvizja Vetëvendosje sot do të nisë aksionin për bllokimin e pikave kufitare. Albin Kurti tha se aktivistët e tij do të pengojnë në mënyrë paqësore vetëm hyrjen e mallrave nga Serbia. Kundër aksionit doli Presidentja e Kosovës, Ambasada e ShBA’ve, e Britanisë së Madhe, e Francës, e Gjermanisë dhe e Italisë. Sipas tyre, për dhunën eventuale përgjegjëse do të jetë Vetëvendosje.

Një ditë para aksionit të Lëvizjes Vetëvendosje kanë ardhur reagime të shumta kundër bllokimit të pikave kufitare mes Kosovës dhe Serbisë.

Kundër nismës së Albin Kurtit kanë dalë Presidentja e Kosovës, vendet e Quinitit, përfaqësuesi i BE’së dhe partitë politike.

Por, edhe të premten, Lëvizja Vetëvendosje ka paralajmëruar se aksioni i saj për bllokimin e kufirit te Dheu i Bardhë dhe në Merdarë do të ndodhë.

Megjithëkëtë, në një komunikatë të përbashkët, Ambasada e Francës, e Gjermanisë, e Italisë, e Mbretërisë së Bashkuar dhe e të Shteteve të Bashkuara të Amerikës në Kosovë kanë thënë se bllokimi i rrugës është veprim antiligjor dhe i keq për imazhin e Prishtinës.

“Ne nxisim Vetëvendosjen që të përmbahet nga çfarëdo dhune ose provokimi ndaj personelit të Policisë së Kosovës. Veprimet e tilla jo vetëm që do të jenë joligjore, por po ashtu do të rritnin tensionet politike në Kosovë dhe do të ndikonin negativisht në imazhin e Kosovës jashtë vendit”, thuhet në reagimin e Quintit.

Këto ambasada e kanë drejtuar gishtin kah Vetëvendosje për çfarëdo që do të ndodhë më 14 janar, derisa kanë paralajmëruar se edhe KFOR’i dhe EULEX’i do të jenë në krye të detyrës.

“Ne jemi të bindur që Policia e Kosovës, e mbështetur nga EULEX-i dhe KFOR-i në rolet e tyre përkatëse, do të tregojë përmbajtje dhe profesionalizëm në sjelljen e tyre ndaj çfarëdo provokimeve, por në fund Vetëvendosje do të jetë përgjegjëse për pasojat e veprimeve të saj të planifikuara”, thuhet në këtë deklaratë.

Ambasadat e akredituara në Prishtinë ka thënë se asnjë parti politike nuk mund ta marrë zbatimin e ligjit në duart e veta, derisa kanë theksuar se bllokimi i rrugëve dhe i mallrave nuk është parim demokratik dhe nuk i shërben sundimit të ligjit.

“Kosovarët nuk duhet ta lejojnë asnjë parti politike që ta sabotojë këtë proces”.

Ndryshe, Presidentja e Kosovës, Atifete Jahjaga, ka dalë kundër bllokimin të rrugëve dhe ka thënë se Vetëvendosje nuk i ka shterë të gjitha mundësitë e veprimit brenda institucioneve.

Thërras të gjithë qytetarët të mos bllokojnë rrugët, të mos bllokojnë vendkalimet kufitare të Republikës së Kosovës me shtetet e tjera dhe të mos pengojnë qarkullimin e lirë të njerëzve dhe të mallrave”, thuhet në deklaratën e Jahjagës.

Presidentja ka treguar se për çka ka nevojë Kosova.

“Vendi ynë ka nevojë për hapje të kufijve, për marrëdhënie të mira ndërfqinjësore dhe bilaterale me të gjitha shtetet dhe për anëtarësim të plotë në të gjitha strukturat, organizatat dhe mekanizmat ndërkombëtarë”.

Edhe Përfaqësuesi Special të Bashkimit Europian në Kosovë, Fernando Gentilini ka thënë se aksioni i paralajmëruar i Vetëvendosjes është i padobishëm për të ardhmen e Kosovës në BE.

“U bëj thirrje të gjithëve që të përmbahen nga veprimet që kanë për qëllim pengimin e ndonjë prej këtyre lirive, për arsye se veprime të tilla do të përfaqësojnë vetëm kthim prapa në agjendën evropiane”, thuhet në deklaratën e Gentilinit.

Pavarësisht deklaratave kundër aksionit, udhëheqësit e Vetëvendosjes kanë mobilizuar 200 persona për t`u kujdesur në dy vendkalimet kufitare me Serbinë që protesta të mos eskalojë.

Në një konferencë për media, Lideri i Vetëvendosjes, Albin Kurti, ka thënë se aksioni i Lëvizjes nuk do të bllokojë qarkullimin e lirë të qytetarëve, por do ta bllokojë hyrjen e mallrave nga Serbia në Kosovë.

Kurti u është përgjigjur akuzave të Kryeministrit se Vetëvendosja do të fundoset, duke thënë se Qeveria e Kosovës është rebeluar ndaj vendimeve demokratike.

“Konsiderojmë që Qeveria e Kosovës është rebeluar. Ajo është rebeluar kundër vendimit demokratik të Kuvendit të Republikës së Kosovës. Qeveria nuk po e respekton rendin institucional. Qeveria thjesht po promovon anarki duke përzgjedhur në mënyrë arbitrare se cilat vendime, qëndrime e ligje të Kuvendit do t’i zbatojë e cilat jo”, ka deklaruar Kurti.

Ndryshe, Vetëvendosje dhe Policia e Kosovës nuk janë pajtuar për bllokimin e rrugëve për lëvizjen e mallrave. Por, Albin Kurti thotë se të shtunën Serbia do të ndalet në Kosovë.

“Protesta jonë paqësore është e drejtuar kundër Serbisë, e cila prej Kushtetutës së saj, ku shkruan që Kosova është pjesë e Serbisë e deri te deklarata e qëndrimi dhe sjellja e nëpunësit apo zyrtarit me të ulët shtetëror ka qëndrime kundër pavarësisë së Kosovës dhe plane anti-shqiptare”, tha Kurti.

Pas Pack, edhe Lunacek kundër

Deputetja e Parlamentit Europian, Ulrike Lunacek ka thënë se aksioni i planifikuar i Vetëvendosjes e dëmton imazhin dhe rrugën e Kosovës drejt BE’së.

“Vërtet do të kërkoja nga Vetëvendosje që ta anulojë këtë aksion. Kjo nuk na ndihmon aspak neve në Bashkimin Evropian që e duam Kosovën më afër BE’së dhe Serbinë me marrëdhënie të mira me shtetin e Kosovës. Ky aksion nuk na ndihmon aspak drejt këtij qëllimi”, ka thënë Lunacek për R. Dukagjini.

Lunacek është eurodeputetja e dytë e cila bën thirrje që ky aksion të mos zhvillohet. Para pak ditësh edhe eurodeputetja Doris Pack aksionin e paralajmëruar “Serbia nuk kalon” e ka quajtur çmenduri.

AAK, kundër aksionit

Partia opozitare Aleanca për Ardhmërinë e Kosovës ka dalë kundër aksionit të Vetëvendosjes, duke thënë se veprime të tilla nuk po bëhen për zgjidhjen e problemeve të Kosovës.

“Cenimi i lirisë së qarkullimit, bllokimi i rrugëve, mbyllja e vendkalimeve kufitare, tensionimi i mëtejmë i situatës politike në vend, synimi për të marrë ligjin në dorë, zhvendosja e përqendrimit të qytetarëve të Kosovës dhe e politikës kosovare në një të vetmen ngjarje çfarë është kjo e ditës së nesërme janë vetëm disa prej pasojave të këtij veprimi të Lëvizjes “Vetëvendosje””, thuhet në deklaratën e AAK’së.

Sipas AAK’së, në mënyrë të panevojshme është bëtë lajm aksioni i Vetëvendosjes në vend se të flitej për se çfarë po ndodh në veri të Kosovës, pse po dështon Qeveria e Kosovës në thuaja të gjitha segmentet e qeverisjes së vendit, pse po rritet pakënaqësia sociale.

Politikë me UÇK’në

Aksioni i Lëvizjes Vetëvendosje po shërben edhe për të treguar se kush ka qenë më patriot para dhjetë vitesh, në kohën kur është zhvilluar lufta e Ushtrisë Çlirimtare të Kosovës.

Polemikën e ka nisur Hashim Thaçi dhe e ka vazhduar Rexhep Selimi.

Kryeministri Thaçi, duke folur në mbledhjen e Qeverisë, të mërkurën, ka thënë se dikujt i ka mbetur merak që kur ka qenë koha për të luftuar Serbinë, s’ka guxuar as ta veshë uniformën e UÇK’së.

Por, Rexhep Selimi ka thënë se Thaçi e ka humbur ekuilibrin e kujtesës “pasi shumicën e kohës së luftës ka qenë jashtë Kosove”.

“Kryeministri i Kosovës duket se e ka humbur ekuilibrin e kujtesës ose ekuilibrin psikik nganjëherë me deklarata të tilla. Përgjigjja më e mirë do të ishte kujtojeni 28 Nëntorin 1997, kujtojeni luftën në përgjithësi dhe është përgjigjja më e saktë. Unë nuk mund të them së zotëri Thaçi tani ka të drejtë t’ia mohojë apo t’ia lejojë se kush ka qenë dhe kush është dashtë për të qenë në luftë”, ka thënë Selimi. (Express)


Nuk ka komente

Bëhu komentuesi i parë!

Komentoni