“Princi i Asturias”, në finale Xavi-Casillas

Iker Casillas, Xavi Hernandez dhe Komiteti Paraolimpik ndërkombëtar janë tre finalistët e cmimit të Princit të Asturias për sportin që do të jepet më datë 5 shtator. Ky cmim i jepet një sportisti ose institucioni që ka dhënë kontribut të vyer në këtë fushë. Xavi Hernandez dhe Iker Casillas u shpallën si finalistë nga presidenti I Fifa-s Joseph Blatter, ndërkohë që mes kandidatëve për fitimin e tij ishin gjithashtu dhe fondacionet e Realit të Madridit dhe Barcelonës, alpinisti Messner dhe lojtarët e basketbollit Yao Ming dhe Dirk Nowitzky.

Ky cmim në fushën e sportit jepet rregullisht që prej vitit 1987. Vitin e shkuar ishte atleti etiopian I garave të 5 mijë dhe 10 mijë metrave, Haile Gebreselasi ai që fitoi cmimin e princit të Asturias. Ndërkohë që në dekadën e fundit pesë sportistë ose institucione të sportit në Spanjë kanë mundur të vlerësohen me këtë trofe.


Nuk ka komente

Bëhu komentuesi i parë!

Komentoni