PRESHEVË: Nga qentë endacak, pësoi i mituri Dardan Hyseni nga Rahovica

Si të mbrohen nga kjo e keqe ose kush duhet t`i mbrojë ata dhe fëmijët e tyre? Çfarë mund të bëjnë qytetarët? Të protestojnë apo të ndalojnë fëmijët e tyre të luajnë e të shkojnë në shkollë. Pushteti lokal, policia apo të organizohen vet për të mbrojtur veten dhe fëmijët e tyre?!


Preshevë, 24 janar/AIK-Preshevs Jonë

 

Qenan HETEMI

Dje, pasdite, pikerisht rreth orës 15-të, nga qentë endacak, u sulmua i mituri katër vjeçar, Dardan Hyseni. Dardani, i cili ndodhej në vizitë tek dajët, duke lozur me shokë, fare pranë shtëpisë, u sulmua nga qentë endacak dhe pësoi lëndime të rënda trupore. Jeta e tij është në rrezik. 

Dardani gjendet në spitalin për fëmijë, përkatësisht në “Institutin për Nëna dhe Fëmijë”  në Beograd, ku mjekët po kujdesen për shëndetin e tij.

Ky lajm i tronditi banorët e fshatit Shoshajë dhe fshatrave për rreth, sepse numri e qenëve endacak viteve të fundit është shtuar shumë dhe paraqet rrezik të përhershëm, jo vetëm për fëmijët, por edhe për të rriturit.

Brengosja e qytetarëve është edhe më e madhe, sepse organet kompetente komunale deri sot nuk kanë ndërrmarrë asgjë konkrete për zvogëlimin apo edhe eliminimin e tyre.

Ka shumë vjet që flitet se pushteti lokal, detyrë e të cilit edhe është kjo, do të kujdeset për largimin dhe vendosjen e këtyre qenve në ndonjë lokacion të caktuar, në mënyrë që ata të mos paraqesin rrezik për qytetarët, po një gjë e tillë nuk është bërë deri më sot.

Çfarë mund të bëjnë qytetarët? Të protestojnë apo të ndalojnë fëmijët e tyre të luajnë e të shkojnë në shkollë. Si të mbrohen nga kjo e keqe ose kush duhet t`i mbrojë ata dhe fëmijët e tyre? Pushteti lokal, policia apo të organizohen vet për të mbrojtur veten dhe fëmijët e tyre?!

Këto dhe shumë pyetje të tjera sot bëjnë qytetarët e dy bashkësive lokale Shoshajë e Poshtme dhe Corroticë po edhe ndoshta gjithë qytetarët e komunës. Fëmijët e këtyre  Bashkësive Lokale janë të detyruar të udhëtojnë çdo ditë në drejtim të shkollës dhe anasjelltas rreth 1,5 kilometër rrugë, të cilën duhet ta kalojnë në frikë e ankth. Pas këtij rasti qytetarët me të drejtë janë të shqetësuar dhe të indinjuar, sepse askush deri më sot nuk i vizitoi, nuk bisedoi me ata për t`i dhënë shpresë dhe kurajo se do të mbrohen nga kjo e keqe dhe do të zgjidhet ky problem që i shqetëson ata dhe familjet e tyre.


8 Komente

  1. kuqka e plake (97 v.), January 24, 2012:

    shendet sa ma te sherushem dardanit,helmoni endacaket jo njerz por qent,

  2. sevdaili, January 25, 2012:

    jam ih prekur shum thell ne shpirt dhe po eh shkruaj me lot sz porih deshiroj sherim me te shpejt por duhemi te protestoj ose ti ndalojm femija nga shkolla deri sa te marin masa

  3. Shqyptar, January 25, 2012:

    Allahu Meshirues ia lehtesofte dhimbjet vogelushit dhe e sherofte sa me shpejt, inshaAllah, e shqiptarët kudo, i mbushte mend inshaAllah sepse jemi çu peshe e kemi harru qe kemi Zot mbi krye, te Cilit do t’i japim llogari, e pranuam kete fakt apo jo, Amin, Paqe!

  4. alejna sylejmani, January 26, 2012:

    shpresojm ti kaloja me shpejt dardanit<3

  5. yrka ejupi, January 27, 2012:

    Shpresoj se sa me shpejt qe ti kaloje keti femijit te dashur “Dardanit”

  6. aela bektashi, January 27, 2012:

    shpresojm se ti kaloj keti vogolushit te ~dashur~ DARDANIT

  7. vali ejupi, January 28, 2012:

    shpresoj se keti djalosh ti kaloj sa me shpejt?

  8. Betim Hyseni, March 10, 2012:

    Shpresoj që ky fëmijë kur të rritet të bëhet një njeri i shëndetshëm.

Komentoni