Ky turnir që organizohet për cdo vit nëfshtin Tërnavë të Preshvës, tashmë tradicional është organizuar nga Forumi rinor i bashkësisë lokale.
Preshevë, 5 gusht
Të gjithë pjesëmarrësit janë tubuar në stadiumin e fshatit dhe më pas janë nisur për të bërë homazhe në varrin e të ndjerit Baki Bajrami. Fillimisht u mbajt një minutë heshtje dhe më pas u shfletua biografia e të ndjerit, njofton TVP.
“ Të flitet për jetën dhe veprën e të ndjerit Baki Bajrami është një privilegj dhe krenari për secilin bashkëfshatar të tij , por për këtë më së miri e dëshmon vepra e tij madhore , liridashëse për çlirimin e popullit të tij nga sundimi huaj” u tha në letrën biografike të lexuar nga forumi rinor i fshatit.
Po ashtu para të pranishmëve u shtjellua jeta e të ndjerit që nga fëmijëria e deri tek studimet akademike ushtarake , dhe më pas për kontributin e tij të dhënë në luftën e Kroacis , Kosovës dhe më pas në Luginë të Preshevës.I ndjeri Baki Bajrami po ashtu ishte edhe njëri nga aktivistët më të dalluar sportiv të fshatit , pasi pasion e kishte futbollin. Ai gjatë atyre viteve e kishte riaktivizuar klubin e futbollit të fshatit Tërnav dhe ishte një nga udhëheqësit kryesor. Po ashtu sot në këtë turnir veprën e të ndjerit e kanë nderuar 13 ekipe, ndërsa turniri do të zgjasë deri ditën e diel ku dhe do të mësohet 3 ekipet më të mira të këtij turniri të cilat do të pajisen me pehar dhe medalje.
