Norvegjia do të mbyllë ambasadën në Maqedoni

http://www.botasot.info/img/300.n.jpgMbretëria e Norvegjisë do të mbyllë ambasadën e saj në kryeqytetin e Maqedonisë, Shkup, bëjnë të ditur burime pranë kësaj përfaqësie diplomatike.

Arsyetimi i bërë për mediet është se bëhet fjalë për harxhime financiare dhe për nevojën që të zvogëlohen resurset.

Përveç Maqedonisë, Mbretëria Norvegjeze do të mbyllë përfaqësitë e saj diplomatike edhe në vendet aziatike, Ambasada në Hamburg dhe zyra konsullore në Spanjë.
Në ambasadën në Shkup janë të pranishëm si staf: ambasadori Kjetil Paulsen, këshilltari i tij politik, nëpunës administrativ si dhe pesë shtetas të Maqedonisë, të punësuar si staf teknik.

Atyre u është kumtuar se nga qershori i vitit 2012 janë të lirë dhe duhet të kërkojnë punë të re.
Politika dhe interesat norvegjeze në Maqedoni do të mbulohet përmes ambasadës në Prishtinë, e cila po funksion me kapacitet të plotë. Norvegjia vlerësohet si një nga vendet më të pasura të Evropës dhe një nga donatorët më të mëdhenj për Maqedoninë.


Nuk ka komente

Bëhu komentuesi i parë!

Komentoni