Një koncert skandaloz në Gjenevë, që në emër të 100-vj. u abuzua me masën duke fyer e turpëruar shqiptarët

Edlira DEDJA

   Artistja me karrierë të gjatë artistike dhe politike në Zvicër, Edlira Dedja, ka nxituar t’i dërgojë sot një letër zemëratë Kryeministrit të Shqipërisë, Sali Berishës botura sot në gazetën autritative shqiptare SHEKULLI, lidhur me performancën e dobët dhe pa dinjitet të trupës shqiptare të Teatrit Kombëtar të Operas dhe Baletit dje në një koncert në Gjenevë me rastin e 100-Vjetorit të Pavarësisë.

 

Profesoresha shqiptare e Konservatorit të Gjenevës, artistja me karrierë të gjatë artistike dhe politike në Zvicër, Edlira Dedja, ka nxituar t’i dërgojë sot një letër zemëratë Kryeministrit të Shqipërisë, Sali Berishës lidhur me performancën e dobët dhe pa dinjitet të trupës shqiptare të Teatrit Kombëtar të Operas dhe Baletit dje në një koncert në Gjenevë me rastin e 100-Vjetorit të Pavarësisë. Saktësisht në letrën e saj thuhet:

 

 

“I nderuar Zoti Kryeministër,
si artiste shqiptare, si personazh politik e publik në Zvicër dhe si anëtare e komisionit special të politikës kulturore e teatrit, në një nga kantonet frankofone të saj (për periudhën legjislative 2012-2016), desha të shpreh indinjatën time të lartë për paraqitjen tejet joprofesionale dhe pa dinjitet të Teatrit Kombëtar të Operës e Baletit shqiptar në Gjenevë, me rastin e 100-Vjetorit të Pavaresisë së shtetit shqiptar.
Desha të shpreh indinjatën për mungesën e plotë të organizimit, për programin e ndërtuar në mënyrë diletante dhe për nivelin jashtëzakonisht të dobët artistik, për zgjedhjen e një salle krejtesisht të papërshtatshme për një koncert të tillë, për mashtrimin publicitar me anë të TV për të shitur biletat minutat e fundit (ku permendën emra artistesh, 90 përqind e të cilëve s’morrën pjesë), për mungesën e spektatorëve në sallë (mbi 80% bosh), për trajtimin antinjerëzor karshi artistëve, që mbetën pa ngrënë e pa hotel deri në darkë vonë, për shfrytëzimin e emrit të artisteve të nivelit ndërkombëtar (Saimir Pirgu), që duke respektuar vendin e tij erdhi me modesti dhe mbeti i befasuar në mes të Zvicrës, ku ka reputacionin më të lartë nga publiku vendas, që e ka duartrokitur dhe e ka pritur gjithnjë me respektin e admirimin me te madh, etj.
Po ju drejtohem në emër të shumë artistëve dhe intelektualëve shqiptarë, një pjesë të mesazheve të të cilëve do t’ua bashkangjis me letrën time, ashtu si edhe disa reagime e përshtypje të pjesëmarrësve në sallë që m’i dërguan sot me anë të internetit.
Po ju drejtohem juve, si kryetar i organit më të lartë ekzekutiv të shtetit shqiptar, që të merrni masa e të ndaloni abuzime të tilla, që bëhen për interesa të ulta individësh të paskrupuj, që drejtojnë sot artin shqiptar.
Ne e kemi ndërtuar me mund, djersë e shumë vështirësi identitetin tonë jashtë Shqipërisë dhe kemi arritur të japim një imazh shumë pozitiv si për kulturën, ashtu edhe për kombin tonë. Kjo është arsyeja që s’mund ta tolerojmë një demaskim të tillë në një nga qytetet më të rëndësishme të Europës, në një kohë që i kemi pasur të gjitha mundësitë për të organizuar një nga manifestimet më të shkëlqyera e më mbresëlënëse për këtë përvjetor, ku të merrnin pjesë artistë të mrekullueshëm të të gjitha trevave shqiptare, që kontribojnë në Shqipëri, Kosovë, Maqedoni e jashtë.
Por pikërisht, përpjekjet tona thellësisht humanitare u sabotuan nga administratorët e kulturës në Tiranë, për të arritur sot në këtë skandal artistik.
Nuk di nëse do t’i shërbente imazhit të shtetit të konsoliduar shqiptar një performance e tillë, por unë kërkoj të ngrë zërin që përgjegjësitë e saj të japin llogari publikisht, deri në dorëheqjen e tyre.

Me respekt,
Edlira Dedja Bytyqi
Zvicër”


8 Komente

  1. Naim Kosova, November 8, 2012:

    Me cilen parti je oje loke oje e mjer me AKK apo me PS apo me Dulen se disi nuk po perputhet kjo akuz apo kjo leter asgje

  2. Arber Binaku, November 9, 2012:

    Futja pordhe Naim futja..

  3. Agim Hasani, November 8, 2012:

    Zoj Dedja je e pershendetur nga un Agim Hasani jetoj ne Gjeneve kur degjova per koncerrtin qe ishte ne Gjenev me gzim, e prsija per festuar festa te tilla qe ja vlen meteverrtet te festohet, si kjo fest Kombetare………….. Me gjithse qdo vit e kem festuar po ne ket 100 vjetor jem deshpruar me organizimin e Hajdutve…..Si kan mendu keta njerz per nji fest te till me i mbush gjepat marre per kush ishte Organizotor…….

  4. Armendi oslo, November 9, 2012:

    ku i palsi kesajna partia

  5. Bujar Hoxha, November 9, 2012:

    Z.DEDJA ME PELQEN INISJATIVA JUAJ E LEXOVA ME VEMENDJE LETREN TUAJ RESPEKTE POR KTU MOJ MOTRA IME DUHET NJE REVOLUCION NE TE GJITHA FUSHAT SHUM FAMILJE DISKUTOJN BUKEN E GOJES SEPSE NE ATO VENDE KU DUHET TE KET NJEREZ KA HAJDUTA

  6. malesorijomaloku, November 10, 2012:

    se mos i intereson berishes kjo gje qe thua ti,berisha eshte nje kryeminister qe nuk ka turp per asgje dhe kujton se te gjithe shqiptaret keshtu jane,

  7. Lumi, November 12, 2012:

    Ky manifestim kishte qellime komerciale e jo kombtare,Nuk pati as akademi solem as kulturore.

  8. ALEKSANDER, December 9, 2012:

    PO NJEREZIT ME CIPE TE GRISUR SI SALIU DHE SHUM TE TJERE NUK KANE NDJENJA DHE AS LLOGJIKE DHE AS DASHURI NDAJ POPULLIT INTERESAT E TYRE SE SI TE VJEDHIN DHE TE NA SHFRYTEZOJNE SI SKLLAVE!PSE LODHENI KOT TE FLISNI ASNJERI NUK JU DEGJON DHE JU RESPEKTON KY ESHTE SHTETI SHQIPTAR QE JU MASHTRON PER CDO GJE MENGJES DREK DHE DARKE.MJERE SHQIPTARET QE BESUHAN SE SALIU DO TA BENTE FESTEN E 100VJETORIT TE SHQIPERISE TE MBETEJ NE SHEKUJ,ATA ME ATE RASTE TE VJELIM SA ME SHUME DHE MASHROJME SHQIPTARET SE NUK KUPTOJNE AKOMA!Edlira DEDJA SI JU GENJEHET DHE TALLET NJE POPULL ME VITE DHE ASKUSH NUK JUA VE VESHIN ME VJEN KEQ QE JEMI KATANDISUR TAMAM SI PESHKU PA UJE PERSHENDETJE!!

Komentoni