Për ditën e sotme radha i ishte caktuar të dëshmojë dëshmitarja e mbrojtur e nacionalitetit Rom nga Gjilani C2, e cila njësoj mu ashtu si dëshmitari bashkëpuntor BOZHURI 50 dje, ripërsëriti gënjeshtrat e shumta për kinse përdhunimet e kryera ndaj saj nga ana e të akuzuarëve. Ajo, me ndihmën e Zëvendës-Prokurorit për Krime Lufte Mioljub Vitoroviq e stërzgjati “dëshminë” e saj, njofton agjencia informative kombëtare “Presheva Jonë”
Beograd, 25 maj
Në Gjyqin e Qarkut në Beograd, ka vazhduar sot dita e tretë e RIGJYKIMIT kundër shtëtmbëdhjetë (gjashtë present në Gjykatë, njëmbëdhjetë në mungesë) djemëve Shqiptarë të Luginës së Preshevës, të akuzuar për krime lufte kundër Serbëve, Romëve dhe ndonjë Shqiptari spiun, kinse të kryera këto në Gjilan dhe rrethinë gjatë periudhës kohore mesi i Qershorit-fundi i Tetorit 1999.
Për ditën e sotme radha i ishte caktuar të dëshmojë dëshmitarja e mbrojtur e nacionalitetit Rom nga Gjilani C2, e cila njësoj mu ashtu si dëshmitari bashkëpuntor BOZHURI 50 dje, ripërsëriti gënjeshtrat e shumta për kinse përdhunimet e kryera ndaj saj nga ana e të akuzuarëve. Ajo, me ndihmën e Zëvendës-Prokurorit për Krime Lufte Mioljub Vitoroviq e stërzgjati “dëshminë” e saj, njofton agjencia informative kombëtare “Presheva Jonë”, duke ju referuar je komunikate për media te LKSH-së së z.Orhan Rexhepit.
Dita e sotme e Rigjykimit zgjati pesë orë të plota, dhe vazhdimi u caktua për datat 5, 6 dhe 7 Qershor 2012, edhe pse sipas vetë ligjeve Serbe ky Rigjykim është dashur të kryhet më 7 maj 2012.
