Ministri Haxhinasto për vizitë zyrtare në Maqedoni

Zëvendëskryeministri dhe Ministri i Punëve të Jashtme i Republikës së Shqipërisë, Edmond Haxhinasto do të zhvillojë sot një vizitë zyrtare në Republikën e Maqedonisë me ftesë të Ministrit të Punëve të Jashtme, zotit Nikolla Poposki.
Në programin e vizitës, veç bisedimeve zyrtare ndërmjet dy ministrave të Punëve të Jashtme, janë parashikuar takime të Ministrit Haxhinasto edhe me Presidentin e Republikës së Maqedonisë, Gjeoge Ivanov, me Kryetarin e Parlamentit, Trajko Velanovski, me Kryeministrin, Nikolla Gruevski dhe me Zëvendëskryeministren për Çështjet e Eurointegrimit, Teuta Arifi.
Gjithashtu, Ministri Haxhinasto do të zhvillojë takime edhe me drejtuesit e partive kryesore politike shqiptare në Maqedoni.


Nuk ka komente

Bëhu komentuesi i parë!

Komentoni