Ministri francez mohon arrestimin e “vrasësit”

Ministri i Brendshëm i Francës ka mohuar raportet se i dyshuari francez për vrasjen e katër hebrenjve në Tuluz, është arrestuar.

Kanalet televizive të Francës kanë raportuar se i dyshuari është arrestuar 12 orë pasi policia ka rrethuar apartamentin e tij në Tuluz.

Zyrtarët kanë thënë më herët se i dyshuari ka pranuar se ka lidhje me Al Kaidën.

Ai është i dyshuari i vetëm për vrasjen e tre fëmijëve dhe një të rrituri në shkollën hebraike në Tuluz, më 19 mars.

Presidenti francez, Nikolas Sarkozi, ka arritur në Tuluz dhe pritet t’i drejtohet kombit.


Nuk ka komente

Bëhu komentuesi i parë!

Komentoni