“Marca”, Reali është bërë skuadër më efikase se Barcelona

Jose Mourinho ka arsye të jetë krenar me Real Madridin. Ndonëse në rezultate Reali nuk ka mundur të ndalë Barcelonën, sërish madrilenët po bëhen gjithnjë e me efikasë.

Brenda një viti, Reali është bërë skuadër më efikase se Barcelona. E përditshmja sportive spanjolle, Marca ka publikuar statistika interesante të shtunën që tregojnë se nën drejtimin e Mourinhos, Reali ka përqindje prej 2.74 golave në ndeshje ndërsa skuadra e Pep Guardiolës ka realizuar 2.68 gola për ndeshje.

Statistika bëhet edhe më e rëndësishme kur kihet parasysh se Reali i Mourinhos është më efikasi në histori të klubit. Skuadra e sezonit 2010/11 ka tejkaluar edhe gjeneratën më të suksesshme të klubit nga periudha 1954-1957, të udhëhequr nga Di Stefano që kishte fituar dy tituj të ligës, dy Kupa të Evropës (sot Liga e Kampionëve) dhe dy kupa të Spanjës. Kënaqësi e vogël, por e mirë për Mourinhon.


Nuk ka komente

Bëhu komentuesi i parë!

Komentoni