Majlinda Kelmendi, medalje te artë në Romë për xhudo

Xhudistja më e mirë kosovare, Majlinda Kelmendi, është rikthyer në rrugën e sukseseve, pas disa rezultateve zhgënjyese në garat e muajve të fundit.
Ajo në garat e Kupës së Botës-Kategoria A, që u mbajt këtë fundjavë në Romë, arriti të fitojë medaljen e artë. Ky sukses njëherësh i solli Majlindës edhe 100 pikë të reja olimpike në përpjekjen e saj për të siguruare normën olimpike. Në këtë garë Majlinda u paraqit si garuese e Shqipërisë, kurse në kategorinë 52 kilogramë ajo shkëlqeu, ndonëse në grup e kishte rumunen Andrea Çitu, e cila llogaritej favorite në këtë garë. Në rrugën deri te medalja e artë, Majlinda mposhti francezen Marine Riçard, pastaj rumunen Andrea Çitu, në gjysmëfinale francezen Luçile Duport dhe në finale polaken Marta Kuban. Lufta për normën olimpike do të vazhdojë deri më 1 maj, kurse deri atëherë do të zhvillohen edhe 15 gara. Sipas trajnerit Driton Kuka, Majlinda ka nevojë të fitojë vetëm edhe dy medalje (çfarëdo qofshin ato) për ta arritur normën olimpike.


Nuk ka komente

Bëhu komentuesi i parë!

Komentoni