Fillimisht kryetari i Kuvendit Komunal Hajredin Hyda ka kërkuar nga këshilltarët që të bëhet vërtetimi i tre këshilltarëve të rinj komunal që para tyre kandidatët kanë shkuar në vende udhëheqëse me çrast sot si këshilltarë të rinj do të jenë Ekrem Alimi, Tanja Taqiqit dhe Goran Atanaskoviq.
AVNI JUSUFI
Bujanoc, 20 qershor
Kuvendi komunal i Bujanocit sot ka mbajtur mbledhjen në të cilën ka miratuar një serë vendimesh me rëndësi jetike për popullatën e Komunës së Bujanocit. Fillimisht kryetari i Kuvendit Komunal Hajredin Hyda ka kërkuar nga këshilltarët që të bëhet vërtetimi i tre këshilltarëve të rinj komunal që para tyre kandidatët kanë shkuar në vende udhëheqëse me çrast sot si këshilltarë të rinj do të jenë Ekrem Alimi, Tanja Taqiqit dhe Goran Atanaskoviq.
KUVENDI BUJANOCIT SHKARKON 66 SHQIPTARË
Kuvendi sot ka shkarkuar nga detyra drejtorin e Shtëpisë së Kulturës dhe Barnatores së Buajnocit. Shih për këtë, Efraim Hajdari me shumicë votash është shkarkuar nga mandati i tij dhe me shumicë votash është emëruar si ushtrues detyre dr. Bajram Hasani. Nehat Aliu ushtrues detyre në Shtëpinë e Kulturës në Bujanoc gjithashtu është shkarkuar nga mandati dhe në vend të tij është emëruar Bajram Fejzullahu.
Ndërkaq,këshilltari Sali Salihu është deklaruar se nuk do të jetë më pjesë e të ashtuquajturit koalicionit opozitar të këshilltarëve PVD, LPD UDSH.i cili sqaroi edhe arsyet përse ai nuk është pjesë e koalicionit gjegjësisht në listën e këshilltarëve të PVD-së,meqë Sali Salihu është anëtar i PDSH-së.
Në mbledhje u miratuan edhe pikat tjera të rendit të ditës ishin shkarkimi dhe emërimi i Këshillit drejtues dhe këshillit mbikëqyrës të ndërmarrjeve publike si Ndërmarrja Publike Komunalia, Ndërmarrja Publike Drejtoria për Ndërtim, Ndërmarrja publike Radio Televizioni i Bujanocit, Organizata Turistike në Bujanoc, Shtëpia e Kulturës Vuk Karaxhiq, Biblioteka 14 nëntori, Qendra Sportive, Qendra për punë Sociale, Enti parashkollor Gëzimi Ynë, Shtëpisë së Shëndetit dhe Barnatores në Bujnaoc të cilat me shumicë votash janë aprovuar në këtë seancë .
