Krasniqi u takua me presidentin e Shoqatës Olimpike të Bayernit

Ministri i Kulturës, Rinisë dhe Sportit, Memli Krasniqi bashkë me kryetarin e Komitetit Olimpik të Kosovës, Besim Hasani, të martën kanë pritur në një takim presidentin e Shoqatës Olimpike të Bayernit, Michael Schultz-Tholen.

http://www.botasot.info/img/memli-schultz.jpgKy është takimi i dytë i ministrit Krasniqi me Schultz, e në të cilin është biseduar për punët që janë bërë bashkërisht në ditët e kaluara dhe hapat e tjerë që do të ndërmerren në të ardhmen për krijimin e mundësive që sportistë nga Kosova të marrin pjesë në Lojërat Olimpike “Londra 2012”, por edhe në përgjithësi për procesin e ndërkombëtarizimit.

Ministri Krasniqi ka falënderuar Schultz-Tholen për mbështetjen e dhënë deri tash në zhvillimin e sporteve të reja në Kosovë dhe afirmimin e tij në botë.

Ai e njoftoi kryetarin e Shoqatës Olimpike të Bayernit me hapat që janë ndërmarrë në këto javët e fundit sa i përket sportit, sidomos atyre olimpike.

Krasniqi vlerësoi se ka zhvillime mjaft pozitive në zhvillimin e sporteve të reja dhe në anëtarësimin e tyre në federatat përkatëse ndërkombëtare, veçoi këtu Lundrimin dhe Pentatllonin Modern, për të cilën një kontribut të madh ka dhënë edhe vetë Shcultz-Tholen.

Sipas një njoftimi të Ministrisë së Kulturës, Rinisë dhe Sportit, Krasniqi me këtë rast përmendi dhe u shpreh se është mjaft i lumtur që xhudistja e njohur kosovare, Majlinda Kelmendi, përfundimisht ka siguruar normën olimpike dhe më këtë me automatizim siguron një vend në LO “Londra 2012”.

Ndërkaq nga ana e tij, Michael Schultz-Tholen e përgëzoi ministrin Krasniqi për punën e madhe që ka bërë në zhvillimin e sporteve të reja dhe përkrahjen e vazhdueshme për të gjithë sportistët.

Ai njoftoi se është duke punuar që të krijojë rrethana sa më lehtësuese për sportistët kosovarë që të marrin pjesë në garat ndërkombëtare.


Nuk ka komente

Bëhu komentuesi i parë!

Komentoni