Konfirmohet arrestimi i Sekiraqës

Ministri i Punëve të Brendshme Bajram Rexhepi ka konfirmuar arrestimin e Enver Sekiraqes. Ai ka thënë për Express, se Sekiraqa është arrestuar nga Policia e Kosovës në bashkëpunim me EULEX’in.

“Po është arrestuar Sekiraqa. Për detaje tjera pyeteni policinë”, ka thënë Ministri Rexhepi.

Arrestohet Enver Sekiraqa

Është arrestuar njeriu më i kërkuar në Kosovë. Ai është Enver Sekiraqa, i cili akuzohet edhe për vrasjen e policit të Njësisë së Speciale, Triumf Riza.

Burime të Express brenda policisë kanë treguar se Sekiraqa është arrestuar sot rreth orës 15:30.

“Enver Sekiraqa është në duart e policisë”, ka thënë një zyrtar i lartë policor në kusht anonimiteti.

Më herët për Sekiraqën ka pasur njoftime se ndodhet në Republikën e Irlandës, ndërkohë para disa ditësh pati dështuar një aksion i policisë për ta arrestuar atë në Prishtinë.

Sekiraqa akuzohet edhe për vepra të tjera penale.

Express Online do t’iu njoftoj me kohë për zhvillimet tjera në lidhje me këtë arrestim.


Nuk ka komente

Bëhu komentuesi i parë!

Komentoni